يعني هي رايحه امريكا سهله العيش فيها شلون له مبتعث بصين ولا بروسيا ولا جنوب افريقيا كان وش قالت هي وامها قوليله خلها تذلف عند امها وهي الي راح تندم وهو خله يطنشها لا يتصل عليه ولا يرد على تيلفونتها ولا على رسايلها ويرسل لها شهريا مصروف لها وبنته وتشوفين ماراح تكمل شهرين الاهي عنده

الله يكون بعونكم صراحه أمها وقحة وماتخاف الله لاف بنتها ولافي زوج بنتها

مهما كان هي كبيرة وراشدة وتقدر تاخذ قراراتها بنفسها ومع ذلك ضغطت على نفسها وراحت معه ولا ارتاحت

المفروض اخوك يقدر وضعها شوي مثلا تجلس 6 شهور عنده و 6 شهور عند اهلها

يعني هو يبيها تقعد وهي تبي تروح ليه كلمته اللي تمشي وقراره اللي يتنفذ ؟ لانها حرمة لازم تكون امعة وتابعة لزوجها حتى في قرارها ؟

خلوه يرجع السعوديه بالاجازه ويتزوج عليها معليش يابنات زوجته تتدلع علي راسه وهو مسكين يبي يكمل ماستر هو ليش تزوج وانجب مو يبي يشوف بنته عنده ويصرف عليها معليش وربي مافيه حل الا الزواج بس لا يطلق الاولي لا يخليها بس زوجوه لانها وحده تستهبل وعايشه زي البزر

غريبة هالام وبقوة تبي بنتها ليش تزوجها

حنا فعلا تعودنا الزوجة مالها الا زوجها تروح معاه وين ماراح ودامه مدلعها ومو مقصر معاها جا وقت رد الجميل منها له

كلها وقت قصير تعتبره تغيير جو او تمشيه وتشوف عالم جديد

تدرين ذكرتيني بحكاية جيراننا قبل كم سنة رفضت زوجته تروح معاه للشرقية يوم جاه نقل من الرياض

فطلقها وتزوج وحدة زي العسل شرواك وشروا من يقرا

بعد 3سنوات تقريبا جاه نقل للرياض رجع زوجته الاوله واخبر الثانية زعلانة عند اهلها وانقطعت اخبارهم

الشاهد انه فيه نماذج كثير من زوجة اخوك الله يهديها ان شاء الله

وصدقيني يالغلا حتى لو هددها بزوجة ثانية او طلاق ماراح ينفع إذا ماراحت وهي مقتنعة قناعة تامة بضرورة وجودها

معاه يمكن يكون وجودها سلبي وتنكد عليه دراسته

الله يهدي الجميع يارب