اخوي انفجر علينا

السلام عليكم انقطعت فترة طويلة بعد ما نزلت موضوع عن اخوي كان يبي يخطب ورديتوا علي واللي ما شافته تدخل اسمي اللي سويناه سويته معه اني قلت بخطبلك وكذا وصرت اكلمه في بنات اهلنا ويفرح ابي بس اسكته لما بعد الثانوي تخرج وانقبل ترم ثاني بالجامعة طبعا سكت عن الموضوع لأنه عرف اني اكلمه بس عشان يسكت وصار يزعجنا اكثر من اول وكل ما عطيناه عذر يجيب لنا حجة اقوى ونسكت وما نقوله شي خلال الترم الاول كان عاطل بس ما شاء الله صار يتعلم على الصوتيات واشتغل مع مجموعة تسوي تغطيات وتصوير وافلام ويكسب منها ووسع علاقاته 
طبعا قبل امس انفجر علينا وصار يهاوش بسبب ان اكبر اخواني مهمل زوجته ودايم يكلمه يقول ودها وجبها  صار يوديها لمواعيد المستشفى والاسواق ولأهلها يعني قايم بهم جلس على هالحال من يوم تخرج من الثانوي ... طبعا هو ما يقدر يقول لا لاخوي الكبير لانه يخاف منه وفرق السن بينهم كبير بس يجي يشكي لأمي  وابوي ما يدري ما ودنا نقوله لانه مريض 
صار يقول الحين كأني متزوج بس ما بقى الا أصرف عليهم وانتم ما خطبتولي وما خفتوا اطيح في الغلط  وصار الحرام اسهل من الحلال وماخذين سني عذر وانا اللي قايم بمرت اخوي 
وامي ودها تخطبله بس تقول وش بيقولون عنا الناس لان بعايلتنا ما يزوجون بذا العمر وهو يقول وش عليكم من عايلتنا ما سوينا شي غلط واذا ما يزوجون بنات الناس واجد ابوي رافض بحجة سنه 
وانه ما ما كمل الجامعة هو صح انه صار يكسب من هوايته بس موب دخل ثابت هو عمره 19
تكفون ردوا والله متلخبطة