خلي يكون نفسه بنفسه كمان سنتين ويشتغل كذا شغله حرام يكون عائلة بهذا الوضع الصعب وظروف زي كذا راح يموت هم ويجيب اطفال مايقدر يدلعهم ويبسطهم ويوفرلهم ابسط الاشياء!! اغلب الشباب اصلن سارو يتزوجون متأخر وهما متوفر لهم كل شيء المهم لاتستعجلون

الله يرزقه من واسع فضله ويغنيه بحلاله عن حرامه
خليه يخطب الحين والزواج بعد سنة
يكون جمعله كم ريال
وانتي اخوانك وخواتك ساعدوه كثير عوائل تعمل كذا نعين ونعاون كل واحد يشتريله شغله ولا يعطيه مبلغ
وفي كثير مناطق بالمملكة اجاراتها حلوة ورخيصة
أتمنى أكون افدتك

يصبر شوي ويكوّن نفسه ..

بتساعدينه الحين بالمهر وبتأسيس بعض الاساسيات بس بكرة مين بيصرف عليهم ويسدد ايجارهم ..!

غير الضحايا اللي بيجيبهم وهو بهذي الحالة الصعبة ..

غلط العشوائية .. الموضوع تكوين اسرة مو لعبة ..

الله يوفقه ويوسع في رزقه ..

شوووفي خلي ذهبك لك افضل لانه بالنهايه فلوسه بتروح لحرمه اخوك وممكن ماتصير طيبه معاكم وينحرق دمك وتتحسفين طالما عندك زوج وعيال ممكن يوم تحتاجين هالذهب ويفك زنقه عندك وهو خليه يقدم علي قرض حق الزواج وبدون فوايد يعطونهم 50 الف ريال ويسددها علي 5 سنين الظاهر شهريا ممكن ياخذون 750 ريال فقط من راتبه واذا راتبه فوق ال4000 يقدر يقدم قرض من البنك يعطونه حتي 100 أتوقع وطالما توة متوظف يبي له سنه او سنتين عشان يكون نفسه ويتزوج

ليه مايقدم على بنك التسليف يعطونه 45 الف
وجمعية بن باز اعتقد يعطونه 5000 او اجهزه
ويقدم على كذا جمعيه
انتي حررره في ذهبك اذا بتصفطيه لخوك لاكن خلي لك منه كذا قطعه عشان تلبسينها مو مررره تحرمين نفسك او تكلفي بخرفه تفرشينها كامله او تجيبين الطقاقه