اخوي بيتزوووج ومتخوفه من زواجته ذي الحكيمات وينكم

السلام عليكم
بنات والله اني قلقااانه جدا فتحت الموضوع من ضيقة صدري
وماعندي احد اتسولف له ويطيب خاطري


السالفه ومافيها اخوي ذا احسن اخواني طيب جدا
وبار بأمي وابوي خصوصا امي مريضة قلب ومداريها
وانسان محاااافظ صلواته بالمسجد ويحب قيام الليل طبعا مو مطوع لا عادي بس يحب الصلاة والعبادات ماشاء الله عليه
وانسان محبوب بعايلتنا وبعمله وهو زميل زوجي بالعمل حتى زوجي يقول اخوك مررررره افتخر فيه بين زملانا اخلاق وادب ومايحب العلوم الرديه
ماشاء الله تبارك الله




السالفه ان اخوي ذا قبل تزوج ومن اول سنه هو وزوجته يختلفون عن بعض شخصياتهم عكس بعض تماااما وماتوفقوا واتفقوا ع الطلاق يهدوء وبصلح وعطاها عشرين الف هديه طبعا غير مهرها لان ذي يقول زي حق العشره بينهم المهم هديه بعد الطلاق ولا ادري عن صحة هالتصرف يقول في الشرع ...يارب يسعده بس ويعوضهم
بعدها جلس سنه وحنا ندور ومع ظروف كورونا تعرفون مافيه زواجات ولامناسبات ندور له واهلي مو اجتماعيين للاسف
وغير كذاا مايبي من الجماعه لاسباب خاصه فيه ..
وصعب علبنا شوي اننا نلاقي له بنت الحلال
تقريبا جلس سنه وعليها وهو ينتظرنا نخطب له
وتفاجأت اليوم هو مرسل لي ويقول انه خطب لنفسه!
فرحت له مررررره وسالته مين سعيدة الحظ
قال وحده مااعرفها !!!
يقول جابها من برنامج...الله اعلم وش هو التيك توك بس ماظنتي او منتديات او وش بالضبط😢


قلت كيف تخطب وحده مجهوله ماتعرف اخلاقها ولا اهلها؟
قال خلاص كلمت اختي الكبيره تكلمها وتاخذ رقم اهلها والبنت ارسلت صورها ع اختي وشفتها وكلمت امي ووافقت وكلمنا ابوها وبسافر لها 😢
سكرت مكالمتي ورحت لاختي واختي انسانه ع نيتها جداااا
شفت المحادثه ماعجبتني حيل بس قلت يلا مو لازم يمكن اني سيئة ظن
بس استغربت ان وجها كله فلر شفايف خدود ورفع حواجب وكذا واخوي يفكره شكلها الطبيعي ....
قلت يلا مو مشكله الشكل مو مهم ابدا ولا لي علاقه في هالشي
رجعت اتصلت ع اخوي سألته من وين عرفتها لايكون تعاكس من ورانا قسم لو لقيناك كذا ماتطب علينا في بيت وخلاص نعتبرك ولاشي بالعايله
حلف واقسم بالله ماصار هالشي بس تكلمت معاها بموضوع وعرفت اني مطلق وراسلتني انها تدور ابن الحلال ....


يابنات ماادري ليش مو مرتااااحه لخطبه زي كذا
انا ماهمني الا نطيح بوحده مو صاحيه او من عايله مايخافون الله او شي زي كذا وخصوصا مع البرامج الان نشوف العجب العجااب
اخاف ع اخوي واخاف ع امي لان امي ممنوعه عنها المشاكل ابدا
كلمت امي امي تقول ماعلينا منها مهما كانت حتى لو طلعت مو صاحيه اختيار اخوك وهو حرررر !!
المشكله اخوي مايعرف شي ابدااا عنها
ماادري هو ابليس مكبر الموضوع براسي والا انه فعلا الموضوع يستحق اخاف منه
خصووصا
يوم اتذكرت اخو زوجي تعرف ع بنت وكانوا يطلعون مع بعض يارب لايبلانا واهله مايدرون عنه وبعدها تزوجها غصب عن اهله ويوم جابها كانت تعلم خواته اللي مو متزوجات عن العلاقات الخاصه يعني بالعربي الزنا وعلوم الزنا وكيف كانت تطلع مع شباب كلامها جدا بذيء ع كلامهم الله عليم بهم وحده
وكانت تاخذ البنات بامر اخوهم بحكم انها تخاف تجلس لحالها بالشقه اذا داوم زوجها
والله ان البنات يوم كبروا وصلوا العشرينات علمونا انها كانت تطلع فيهم وكانت تعلمهم علوم رديه ماابي اقولها الله عليم بهم جميع ...البنات مراهقات ومايعرفون واهلهم واثقين باخوهم .....وعلووووم تشيب الراااس
هذا غير انه يوم تمشكل زوجها معاها قذذذذقت بعرض خواته وقالت خواتك يطلعون مع شباب وسوت كارثه بالبيت الله لايبارك فيها واتصلت علي شخصيا وقالت لي خوات زوجك مع شباب علمي زوجك وعندي مايثبت 😥لاحول ولاقوة الا بالله سوت كاااارثه ذيك الايام وتنوم ابو زوجي وتضاربوا الاخوان بسببها وصلت دم ومستشفيات وهم عااايله ماشاء الله محترمه
والحين مع ذي البرامج الواحد يخاااف انا يوم اتصفح التيك توك اشوف اشياء تحززززن حيل من البنات الله يهدينا ويهديهم ويارب تحفظظظنا من الفتن بس


والله اني جالسه اتقهوى واكتب لكم قاعده اهوجس حيل عاد تحملوا قرقرتي الواجده بس والله يمكن من القهوه اللي بيدي والقعده لحالي 😁


الخلاص عطوني رايكم صبايا بالموضوع مااستغني عنكم فديتكم 🌹


ولاحد يقول تمدحين اخوك واجد ترون والله اني مامدحته الا باللي فيه ولازدت في هالشي بنقطه
الله يخليه ويحفظه ويزوجه بنت الحلال اللي تستاهله
ورجااااء بنات لاحد يقعد يجرح او يذب بكلام ماله داعي
ترون اهبدكم باقرب فنجان قهوه عندي
مو ناقصه هم 😥
اكتبوا باحترام فديتكم😘
وشكرا لكم مقدما