اخوي بيهدم بيته والسبب.....

السلام عليكم
انا صديقة لولوه واستاذنت منها اني ادخل واكتب مشكلتي لاني ابي حل للموضوع اولا انا عايلتي من الاثرياء في البلد ولنا اسمنا <ذكرت هذي النقطه عشان احطكم في الصوره
(ماني محلله او مسامحه اي وحده تنقل المشكله لاي مكان ثانييي )
عندي واحد من اخواني عمره ببداية الثلاثين ومتزوج بنت عمي ورزقه الله منها باطفال ومر على زواجهم ٩ سنوات بدت مشاكلهم من سنتين بسبب اهماله لبيته ومسوولية عياله كله عشان منصبه وتجارته وفلوسه عياله مايشوفون الا الصباح ومرات بعد مايشوفونه لانه حسب دوامه يصحى من الصباح ومايرجع الا ع الساعه ١١ في الليل وهم نايمين وتجي ايام مايشوفونه فيها لانه يكون مسافر شغل ومايخذهم معه زوجته اكثر من مره تشتكي لابوي ودخلت ابوها وامها يكلمونه ويكلمون ابوي مافي فايده كل ماحد كلمه انه زوجتك وعيالك محتاجينك تقعد معهم تعيش عيشه طبيعيه قال ماني مقصر عنهم بشي كل شي يبغونه موفر لهم مصرف سياره وخدم و سواق كل شي ويلبسون وياكلون ماعليهم قاصر وكل نهاية اسبوع اخليها تروح جده لاهلها لو واحد غيري مارضى حرمته تسافر كل اسبوع <اخوي ذا حتى بنهاية الاسبوع يشتغل المشكله انه هو مشغل نفسه يعني ابوي ماقاله سوا كذا ولا كذا عاذر اخواني اللي عندهم اسر بس اللي مب متزوجين هو اللي يرسلهم للاجتماعات او الاشغال اللي مايقدر يحضرهم لانه بحكم سنه كبير ابوي كل ماجا يرسل احد من الصغار جا هو وقال انا بروح وابوي مايرفض له طلب لانه احب عياله لقلبه زوجته مثل ماقلت تحاول تشتكي مافي فايده جات تشتكي لي قلت والله مالي عليه امر ولا كلمه انصحه اي بس انتي تشوفين كلموه قبلي مافي فايده امي وابوي ماقدروا انا وش بسوي قالت انتي اخته الوحيده واكيد لك معزه عنده انصحيه عاجبك وضعنا انا وعياله عياله وش ذنبهم عايشين كانهم ايتام وهو عايش يبون ابو مثل الناس ترا مهو كل شي يجي بالفلوس انا ماني مقصره عنهم بالتربيه والحنان والعطف بس لازم ابوهم يعطيهم بعد مايصلح كذا وضعنا اسره بدون اب الوقت اللي يقعد في معنا ينعد واذا قعد يكون مخه مشغول ويفكر ويسرح من استلم المنصب في الشركه هو مارتاح قلت لها حاولي تكلمينه قولي له كذا عيالك وبيتك محتاجينك عشان يلقى له حل قالت كلمته اكثر من مره مافي فايده كل ماكلمه يقولي نفس الكلام ماعليك قاصر واخر مره مد يده علي وقال اذا مهو عاجبك الوضع اذلفي لاهلك واجلسي عندهم وورقتك تجيك وعيالي مهم ميتين انا من له اتعب واشقى ترا لهم ابيهم بكره يعشيون مايحتاجون احد من بعدي ،يابنات المشكله هو اللي مختارها خلى كل بنات الرياض وقال لابوي ماخذ الا فلانه وخلى ابوي يسافر لجده عشان يخطبون له تخيلوا كذا يعاملها وتقولي انه مهو اول مره يمد يده عليها اكثر من مره اذا كلمته على هذا الموضوع او قالت انك ماتحس فينا وقد طلقها طلقه قبل لانه قايله له انت انسان اناني وحقير ماهمك الا مصلحتك والله تقول كل ليل ورا ماعيالي ينامون اني اصيح مثل البزران وانا على فراشي من اشوف حالنا بيتي ينهدم وانا اطالع
يابنات كتبتلكم المشكله ابي حل كيف انصحه ابي شي يقنعه ويفتح عيونه على وضع بيته وعياله ابيه يحس انه عياله وحرمته محتاجينه ،انا عارفه انه ماراح يصحى الا اذا لسمح الله صار باحد فيهم شي ساعتها بيندم بس انا ابي احلها قبل لايطيح الفاس بالراس