اخوي جرحني بكلمه وش يقصد؟؟

السلام عليكم
والله حصل موقف اليوم قدام امي واخواني وخواتي عور قلبي الى الحين ابكي
بسببه عندي اخ عمره 24 اتعب وانا اقول حبيب خدوم يوديني يجيبني يعني مره امون عليه لاكن عصبي وعنيد ومستفز
اليوم كنا متفقين على طلعه انا واهلي شاليه ومسبح فجاه دقت ام جيراننا قلت لام جيراننا انا تعالو معنا للشاليه اخوي عصب ليه اقولها لانه يبي يجلس معنا
انا استفزيته صراحه بالكلام لان الدوره بتجيني وخلقه مزفته وقلت وش دخلك بسوالف الحريم يالحرمه يالنسوه وعصبت وجلست اصارخ
وهو مستفز لما شافني معصبه قام يستفزني زياده يقول غثتنا بام الجيران وبنتها ومادري ايش عندها معها انا جلست معصبه ويدي تنتفض وانا اهاوش
واقول لامي ولدك هذا خليه يسكت لاعطيه كف اعلمه كيف يتكلم هالحرمه
< طبعا اقول هالكلام باسلوب مستفز عصبيه وكانه بزر عندي جاء قالي اسكتي بس يالعبده يالتكرنا مره حزت بنفسي هاللكلمه حتى امي وخواتي واخوي اسكتو صح اني مو حلوه لاكني مو سودا ابد بالعكس لوني قمحي فاتح اميل للبياض لاكن اهلي بيض بيض انا تقريبا اغمق خواتي لون مادري قالي هاللكمه يقصد شكلي ولا يقصد لاني معصبه واصارخ وواصله معي اخوي جرحني بهالكلمه طيب دايم اهلي يعصبون معاه ليه ماقالهم ليه بس لي والله مادري ايش اقولكم لاكن قلبي عورني وتحسست بقوه من كلمته وانا سويت قدام اهلي وخواتي القويه اللي ماهمها مع ان الكلمه كسرتني بقوه بس خفت لو اقول ايش تقصد او اوضح اني انجرحت يمسكها علي هو ولا احد من خواتي لانهم يدورون اي نقطه ضعف يمسكنها ع الشخص ويصيرون يستفزونه فيها>
ملاحظه
البنات ماشاء الله ردودكم كثيره لاكن كلها نفس المعنى بكتب هنا صعبه اقتبس
انتم تقولون ليش متحسسه اذا لونك قمحي او مثلا انتي نفسيه من كلمه انقلبتي
ياناس انا وحده استغفر الله اتحسس من اي كلمه والله العظيم مو بكيفي حاولت اغير هالصفه فيني ماني قادره
اتمنى اكون ماحس او الكلام ماياثر فيني
اي كلمه تجرحني وتقلب مزاجي يعني اللي يبي يستفزني بسهوله يقدر يكسر ثقتي وكل شي انا وحده حساسه من اي شي
وسبحان الله كانه عارف نقطه ضعفي شكلي بما اني اقل خواتي جمال وبياض
امي وهي امي اتحسس احيانا من كلامها واروح بغرفتي ابكي واجلس افكر ساعات ليه قالت لي كذا مع ان تعرفون الحريم
الكبار احيانا يقولون شي بدون قصد زي عن العمر او الشكل او الجسم فاتحسس بقوه
مع اني ماشاء الله بنات اقاربي
اخوانهم يسمونهم الغوريلا والمصارع لانهم دبيات او سمر
وعادي مايحسون ويضحكون ويسولفون وهم قدامي يقولون لي هالكلام انا قالي هالكلمه وقدام اهلي ماقدرت انام
لانه عمره ماقالي بحياته مثل هاللكلام فمادري يقصد شكلي او اسلوبي او ايش مادري
ثاني شي تقولون ليه تعزمي ام جيرانكم هي مو جيراننا وبس هي اكثر من اهل اول شي
ثاني شي امي تبي حريم يجلسون معها لان تطفش امي اذا صارت لحالها فقلت لامي ايش رايك اقولهم
قالت امي اي والله قولي لهم احسن من لحالنا ويكثروننا بعد وخواتي بالثانوي كلهم قالو اي قولي لهم نبي بناتها معنا
اخوي يبي الطلعه عشان المسبح مو عشان الاهل وامي قالت له اسبح براحتك ماحد عندك بس هو يقول لا ليش تجيبون احد