اخوي خانقني :(

السلام عليكم بنات

انا توني مضاربه مع اخوي اللي اكبر عني

جدا مستفز وانا مافيني صبر عليه ومن زمان كنا دايم نسوي مشاكل بس الحين عقلت وهو ماعقل انا صرت اتغافل تصرفاته وسخااافته اللي ما اطيقها بس اليوم انا مخنوقه والكل يعرف اني زهقانه وفيني ضيقه ما يعلمها الا الله يجي يتكلم مع امي ومادري وش يقولون انا كنت حاطه السماعه وما اسمع ويجي يعطيني كف بوجهي بصراحه مو قوي ولا يعور ومادري عن شو كانوا يتكلموا بس انا عصبت وصارخت وتنرفزت ليش يمد.ايده

وهو عصب وكنا بنتضارب وهالولد دايم يسوي مشاكل مع اخواني وابوي مع انه طبعه طيب وضعيف بس انا ما اتحمله

الكل يعرف اني كل شي الا شعري ووجهي لا احد يلمسهم هذا طبع فيني انولدت كذا وهو يعرف بس شو هالنذاله ويتعمد يتف بوجهي وهو يعرف اني اكره ما عندي احد يتف علي او يمسكني بشعري انا اتنرفز من المشط يوم امشط شعري

استغفر الله العظيم

وطبعا كان يبى يضربني من صدقه وامي تمسكه والاخ مصدق عمره ومسوي فيها ذاك القوي وامي خايفه ابي يقوم من النوم ويسوي معه مشكله لانه اصلا مشكلجي

على العموم امي تقول اني السبب وانه كان يمزح معي بس بصراحه كان يبى يعطيني كف ثاني بس وصل لاذني والحين تعورني

علما انا اصغر وحده من اخواني وهم يعرفوا اني ما احب المشاكل

الحين هو جالس مع امي وابوي ويلمح لامي يقولها اني ماتعرفي تربي ( يقصدني انا طبعا ) وامي تعرف انه مهبوول اصلا

وانا معصبه ومضايقه فوق الضيق ضيق

اللي عندها احد مضايقها كذا تقولي كيف تتصرف معه