nindan

nindan @nindan

عضوة جديدة

اخوي خايفه افقده ومالي في الدنيا الا الله ثم هو ومثل ابوي

الأسرة والمجتمع

ساعدوني اخووي جالس يدمر نفسة وصار له سنتين وهو على هالحال
السلام عليكم ورحمه الله
انا جالسه اكتب ومخنوقه على اخوي الي ماله في هالدنيا الاانا انا متزوجه وعندي طفلين والحمدلله مرتاحه في كل شيء الا قلبي الي يتقطع كل مااشوف اخوي ....
اخوي عمره الحين 26 سنه ويعاني في نفسة كثير واحس بضيقته كثير تصدقون يااخواتي مايشوف احد له سنه واكثر ولا يكلم احد صار يكره الي حوالينه ويكره نفسه ودايم يقول انا ميت انا ميت والله اني كل مااشوفه انخنق وابكي عليه وكل ماجي اساعده مايرد علي ويقولي تعالي بس سلمي علي وروحي ويدعي لي ياخواتي انا والله اكتب لكم وجالسه ابكي من الحرة الي بقلبي ماتتخيلو اول يوم بالعيد جبت له عطر وجيت انا وزوجي نبي نعيد علية وبجلس معه رد على الباب وقال لي انتي بس ابي اشوفك واعايدك ولما دخلت عنده وشفت حاله ودقنه والله اجلست ابكي بدون عقل اخوي مالي في الدنيا الا هو كان في احسن الاحوال قبل سنتين وكان مثل للناس في كل شيء وبعمله وبتجارته والله فتح عليه لدرجه انه كان يسافر كل مكان وكان لي ابو وام والله ياخواتي مانسى يوم زواجي ايش اهداني وكل مانقص علي مال عطاني حتى رجلي كان والله يتسلف منه رغم ان رجلي مهندس ياخواتي قلبي يتقطع علية صارت له مشاكل ودمرت حياته قبل سنتين الي دمروة الله تذكرهم واخذ اعمارهم والله يسامحهم بس بسببهم فك ملكته وفصل من عمله وجلس يلوم نفسة كل شوي يقول انا غلط انا غلط والله ياخواتي لما يبكي تقولي طفل عندي يحتر قلبي علية كره الناس وصار مايقابل احد بس يلوم نفسة ويقول ابي اموت ابي اموت واحيان يتذكر نفسة اول ويقول لي نفسي اموت ..... ياخواتي اعتبروة ولدكم كيف اتصرف معه علموني احسة متحطم كل مااجية والله ابكي علية ياخواتي انا ماكتبت لكم لاااجل شيء الله الي يعلم بس ابي احد يوجهني اخوي جالس بروحه ولا يكلم احد الا انا وجالس ببيته الي بناه بااول عمره والايجارات تصرف عليه بس لما اشوفه انخنق وابكي عليه وخايفه انه يذبح نفسه ياكثر مااحزن عليه ...امس كنت عنده وجالس اقول له روح اشتغل ولاتيأس وابدا وقلت له اعطيك 60 الف بس ابيك تتحرك وابيك تضحك احيان يتحمس واحيان يذبل ويظل ساكت ياخواتي لو انه يستاهل الي صار له والله لاااقول اللله جازاه بس من كثر ماهو جميل وداخله جميل والله انه انظلم وتعب وتحمل شيء الله اعلم فيه يرفض مساعده احد ويتم بس يقول ابي اموت واذا متت العمارة لك
كل ماابي ازوجه وادور له بنت حلال يرفض ويقول تبي تشمتي الناس فيني والله ياكثر بنات الحلال الي يحبونه لدرجه وحده بالمدرسة تتدرس انجليزي تقول لو يوافق والله لاااخذه وهي تحبه من كان عمره 23سنه وتسمع فيه
انا والله ابكي كل مااشوفه واقول اخوي لو يروح اني مانسا الي كسروة وهدو معنوياته اخوي كان مملك قبل سنتين وبسبب مشاكله التجارية الي صارت ومشاكله داخل العمل طلق بنت الناس ولا اخذ حتى نص الي دفعه من الملكه ..نفسي اجيب احد لو على حسابي يغير الي فيه احسه بس يتمنى الموت لنفسة ويقول كل شوي ابي اموت ابي اموت.....والله اني اكب لكم وابكي على حاله
كل مااجيه بس يتم ساكت ومايطالع فيني بس يقول كيف حالك وكيف عيالك ويتم ساكت مايسئل عن احد مايشوف احد الي ذبحني دقنه وكيف هي طويله والله انها محليته وصاير فيها ابيض وحلو بس ماكان كذا كان يهتم بنفسة كثير
دايم يلوم نفسة ودايم يقول انا غلط انا الله مو راحمني لاااجل انه مااخذ روحي ماشفت اعز نفس اكثر من اخوي بطل يهتم بشيء يقول لي انا بس اصلي لاااجل ان الله يرحمني وياخذ عمري يقول انا ميت في كل شيء ياربي ساعده والله انه طيب ورجل
يااخواتي الي سمعت في احد مر فيه الي مثل مامر بااخوي يقول لي اخوي كان مافي احد مثله في الشغل وفي المناسبات وفي الروحه والجيه ولا تجارته الي توسع فيها وصار على كل لسان ولا على عمله الي يخص الامير والقرب منه الله يخليكم احد يساعدني ايش اسوي معه والله لو يصير له شيء ترى بذمتي انا خايفه انه ييئس ويسوي بنفسة شيء والله احس اني بموت بموت لو يصير له شيء ابي احد يقولي ايش اسوي والله ياخواتي انا مايمر علي يوم الا اجي فيه عليه 3 او 4 مرات وخايفه انه يسوي بنفسة شيء ماعمرة ضحك من سنتين ولا عمرة احسه متفاؤل بس يتم ساكت ويسلم علي ويقول كيفك وكيف عيالك الله يخليكم احد يشور علي واذا في احد يبي يسئلني عنه انا بجاوبكم بس ابي حل خايفه انه يسوي شيء بنفسة ولااعرف كيف اساعده احس بخنقه ياخواتي عليه ولو افقده والله اني بنجن مايمضي علي يوم وفي كل صلاة الا ادعي له انه بس يحي نفسة ويرده مثل اول يارب ياكريم ردة مثل اول واحي نفسة واهدية واسعده ياحبيبي ياحي ياقيوم
38
4K

يلزم عليك تسجيل الدخول أولًا لكتابة تعليق.

تسجيل دخول

nindan
nindan
أبي مساعدتكم الله يخلي لكم عيالكم ابي احد يشور علي ايش اسوي له والله حالته يوم عن يوم تتغير وتزيد سوء الله يجزاكم خير اخوي ماابي افقده حاسه انه بيسوي بعمره شيء ولاااجل كذا كتبت لاني خايفه عليه واحس لو صار شيء له اني انا المسؤولة عنه
دنيا ملونه
دنيا ملونه
هلا حبيبتي
والله ان اخوج عور قلبي على حالته
زين حبيبتي عندي حل يمكن سويتيه او فكرتي فيه بس بقوله لج
ليش ما تقرين عليه او تخبين شيخ يرقى عليه
ترا واللهالقران يهدي النفوس ويصلح حال الواحد
حاولي تحظرين له شيخ يقرا عليه او انج انتي تقرين عليه
او حاولي تقنعينه بالرجوع لطبيب نفسي مع ان احس ان هذا الحل صعب شوي بس عليج بالقران
دنيا ملونه
دنيا ملونه
سامحيني يمكن الرد الي فوق ما كان واضح لان كتبت بسرعه
هذا اعاده وتصحيح للرد
والله ان اخوج عور قلبي على حالته
زين حبيبتي عندي حل يمكن سويتيه او فكرتي فيه بس بقوله لج
ليش ما تقرين عليه او تيبين شيخ يرقى عليه
ترا والله القران يهدي النفوس ويصلح حال الواحد
حاولي تحظرين له شيخ يقرا عليه او انج انتي تقرين عليه
او حاولي تقنعينه بالرجوع لطبيب نفسي مع ان احس ان هذا الحل صعب شوي بس عليج بالقران
دنيا ملونه
دنيا ملونه
اي حبيبتي نسيت اقولج
حاولي تقرين عليه هالدعاء او تخلينه يقراه
لان النبي صلى الله عليه وعلى اله وسلم اذا نزل به هم او كرب دعى به :
( ياحي يا قيوم يا حيا لا يموت يا لا اله الا انت يا كاشف الهم مجيب دعوه المضطرين . اسألك بان لك الحمد لا اله الا انت المنان بديع السماوات والارض ذو الجلال والاكرام رحمن الدنيا والاخره ورحيمها ارحمني رحمه تغنيني بها عن رحمه من سواك يا ارحم الراحمين
قال الرسول صلى الله عليه وسلم مادعا احد من المسكلين بهذه 3 مرات الا اعطى مسألته ...........
اتمنى اني فدتج واي استفسار انه جاهزه لج

وفي شي ثاني ممكن تسوينه
عرضي على اخوج ان يي يعيش معاكم في البيت واذا ما رضى خلي عيالج يطلبون منه هالشي ويلحون في الطلب يمكن هالشي يغير منه

وتقدرين تقعدين معاه وتقولين له ياخوي ابي اكلمك وكلميه وتحاوري معاه وتناقشي وحاولي يوم من الايام انج تطلعين معاه جذي طلعه حلوه مع ان ما حس انه راح يرضى
بس مثل ما قلت لج كثري من القران وخليه يروح معاج البيت يمكن اشياء وايد تتغير فيه

الله يسهل عليج وعليه ويفتحها عليكم ياااااااارب
nindan
nindan
الله يخليك يادنيا ملونه ولا يضيق عليك دنيا وااخرة انا والله دايم اجيب له ادعية وشرطان دين ودايم ابخر بيته واقرأ علية ديام بدون ماايحس وعندي دعائك وادعية كثيرة دايم اكررها عليه واقوم الليل واجتهد بالدعاء بصلاتي والله يادنيا ان بس جاب لي رصيده الي بالبنك انا عقلي طار الله يجزاك خير انشالله وانا طريقه اني ارسل عيالي له نسيتها بس بركز على عيالي واني اخليهم دايم عنده اما انه يجي عندنا مايجي هو لانه احسة رسمي حيل مع زوجي الله يجزاك خير دنيا وااخرة ولا يضيق عليك وادعي له الله يسلمك