اخوي خطب وملك ولا قال لامي

السلام عليكم
ابقولكم قصة اخوي وانتم شوفوا تصرفه صحيح او لا ..
اخوي قبل شهر يقول انا خاطب ومدري ايش ماصدقناه المهم قبل اسبوعين العصر لبس وتكشخ وقال لامي ابروح اشوف البنت قالت امي ابروح اشوفها معك قال لا بعدين المهم راح ورجع ومره فرحان قال حلوه واباخذها ورد عليهم بالموافقه من بكرا المهم ماشفنها ولا علمنا من بنته الا يوم وافق وتم الموضوع البنت اعرفها كانت تدرس معي عاديه مره واخوي جميل والبنت تجيها نوبات ماادري صرع او ايش الله يشفيهاا كثير ينغمى عليها قلت لاخوي لا تستعجل تراها مريضه دق على اخوها قال انهم يقولون يغمى عليها وش فيها قال فيها صداع نصفي ، كل ذا ماعلينا منه اخوي صغير عمره واحد وعشرين الى الان ماتوظف يدرس وله سنتين يشتغل ب محل وانا اعرف اخوي البنت ماعجبته بالاساس بس مستعجل للزواج ، المهم بعدها باسبوع حط الملكة والله ماقال لنا الا بنفس اليوم حزت بخاطري قال لاخواني الرجال تعالوا معي وامي ماقال لها الا بنفس اليوم حدد الزواج بالعطله ولا كأن عنده اهل ، ويقول اباخذ غرفتين من البيت اساسا البيت دور وصغير علينا احس اهل البنت استعجلوا بالموافقه يبي يظلم نفسه ويظلمها وبنفس الوقت امي مالها اي رأي ولا حتى خواته حتى المشاورة ماشورنا ابيكم تقولون لي تصرفه صح والا غلط