اخوي زوجي طبينتي كيف تجي

ياناس اشقق هدومي ولا انتف رموشي :06:

خلااااااااااص طلعت روحي ماعاد اقدر استحمل ذا الدعله :06:

من يوم ماتزوجت زوجي وهو لازق فينا مايحرك ساكن في حياته كل اموره يسويها له زوجي تعليم ودفه لحد ماتخرج و زواج وزوجه وبيت وبناله وشغاله وجاب له ومع ذلك اقول معليش اخوه بس وربي زودها

صار زوجي اذا جى للبيت يزعجه باتصالاته وينك تعال ليش ماتجي تعال اسمر عندنا تعال تقهوى عندنا
مع ان زوجي يوميا يشوفه في البيت الكبير بيت امهم وابوهم بس مو مكفيه انه يشوف زوجي ساعتين في اليوم يبيه يتغدا هناك ويتعشا هناك وجلساته هناك اما بيته للنوم بس

انا عندي اطفال ومحتاجين ابوهم وهذا مو معطيهم فرصه وربي ان زوجي يجي من عمله بعد العصر لانه يشتغل في شركة خاصه يجي تعبان ويادوب ينام ويصحى عشان يتغدا وهذا يدق دق عليه ويرج جواله بالاتصالات وزوجي يطنشه لانه جالس يتغدا ماناخذ دقايق الا وجرس الباب يدق :06:

تاااااااااااافه ياناااااااااااااس تافه ماعنده في الحياة اي هدف يبي زوجي يونسه ويوسع صدره لان ماله اصدقاء مع انه مو صغير عمره 34 سنه !!!!

لكن لو يغيب زوجي عنه اسبوع فطس ومات سفر مايسافر الا معه عزايم مايروح الا معه مستحيل يروح لحاله اي مكان لازم زوجي معه قسسسسسسسم بالله احسه طبينتي مو اخو زوجي

لو نسافر اسبوع نتمشى الدمام او اي مكان ثاني يزعجنا باتصالاته ووينك فيه ويسال عن كل تحركاتنا وزوجي عادي يجاوبه متابعنا ساعه بساعه

ياربي بمووووووووووت الحين تو جى زوجي من عمله وراح لخوه اتصلت عليه قلت ولدي يبي اغراض من المكتبة عشان المدرسة بكره

جى زوجي عشان يوديه وربي اني اسمعه وهو يكلمه ويقول وينك ليش طلعت وزوجي يرد عليه قال لا بس بودي الولد للمكتبه :mad:

يعني زوجي طلع سرقه من عنده خايف منه ولا ايش

المشكلة انه عطال بطال في الحياة ماله شغله غير النوم والاكل وزوجته تدرس وهو مستلم زوجي كانه بزر مخاوي ابوه

اكرررررهه وربي اكرهه ذا اللزقه زدي ارسله رساله واقول متى بتصير رجال وتعتمد على نفسك وتحل عن حياتنا ياخي رح اشتغل شفلك احد تصادقه حل عن حياتنا شوي