يالغاليه سالفه الاكل احترت فيها وليه مايبغى ياكل معاكم..؟؟
انا بكون صريحه معاك حبتين ولا تزعلين انتي ماكتبتي الموضوع هنا الا
تبغين الحل والمشوره
فيه عده احتمالات لانه مايحب ياكل معاكم ومنها
يمكن مره لاحظ شي من ناحيه نظافه الاكل وتقرف ومن يومها ماعاد يحب ياكل
شي من عندكم
او يمكن زوجته قالت له شي عن اكلكم ونظافته والا اي شي ولا ابغى اظلمها
او يمكن شي ثاني الله اعلم
وبالنسبه لروحاته الكثير عند اهل زوجته يمكن هناك ياخذ راحته
وضحك ووناسه وتنكيت وسعه صدر ويجي عندكم مايلاقي نفس الجو الا زحمه حريم
بالبيت وفوضى وماحد مهتم فيه
طبيعي يحب يروح عندهم اذا كان هناك يهتمون فيه
وسالفه عبايه الكتف والحكل والشدو اغلب الرجال قبل الزواج يكونون متحمسين على اخواتهم ويخافون عليهم ويحافظون عليهم ولما يتزوج الرجال يصير كل شي عنده طبيعي
صدقيني مو بس انتي الي شكت من هالناحيه فيه غيرك بعد
الله يرجع لكم اخوك مثل اول واحسن قولي امييييييين

السلام عليكم اختي ..

الله كريم انا اقلك لا تزيدين امك وهوني عليها وقوليلها لا مافي شي بس يمكنه متضايق واعتذري لها اهم شي امكم..

وبعدين الدعاء ادعي دايم يا اختي ان الله يفك ضيقتكم ان شاءلله وكثري الدعاء في الثلث الاخير..ولا ننسى ان الصائم ماترد دعوته.وادعيله بالهدايه له ولزوجته وان الله يفرج الهم كثري الدعاء..

((ورب ضارة نافعه)) في الاقتلاع عن صغائر الذنوب..

السلام عليكم,,

تصدقيـن اختي..اخـوي الكبير نفس حالة اخوك..
بس هو ماتزوج لسى بالجامعـه,,بدا يتغير من بعد 3 ثنوي..
الولـد صار معزوول ولا يكلم احد ولا ينكت ولا يسولف ولا يقعـد معنا ابببببببدا ابببببببببدا..
والسلام احيانا بعد!
والله امي اعلم بحالها..حدهـا متضايقه منه..

بس فرق اخوي عن اخوك انه يفطر معانا بس ياكل اشياء معينـه بس..يعني مثلا مثلا
قبل كان ياكل لقيمات بشكككككل مو طبيعي يحببببببـهـا..
الحيـــــن لااااااا مسستحيـل..اعتقادا منه انها.........استغفر الله والله ماقدر اقول..
لا ويقوم بنص الليل يصاارخ وهو بفراشه بشكل يخووف..يعني لا هو حلم ولا كابوس !!
مدري وشو..لاني ادخل عليه على طوول واقول له وش فيييك يامحمد يقول لي وشو وش صار؟؟
اقول له :هوه!انت ناوي تجنني؟؟وش الصوت الي تو؟؟قال والله العظيم اني مااذكر اني سويت شي ابدا>>وتشوفين طريقة كلامه طبيعيه بس انه معرررررق..
ودايم يكلم نفسه بغرفتـه..وقد قال لنا من فتره انه يشوف اشياء تمر بسرعه من قدامه وشي شكله غريب يجي قدامي ويروح..يممممممممه والله اني اخاف اذا قال لي..

حتى مره انا دخلت عليه وقلت لازم لازم اعرف ليش انقلب كذا من بعد الثنوي..
ودخلت وفتحت معه الموضوع..تدرون وش قال لي....؟


قال والله ماتصدقين الي بقولك انه مو بيدي هالموضوع اني معزول وكئيب ..
حتى اخوياي ماقمت اقعد معهم واطلع معهم..حتى جوالي فاتورته ماتجي الا الرسوم الي هي ريالين كل يوم ..يعني الولد مننننننننقلـب على كل الدنيااااااا..وليش ماندري..
يقول والله اني ابكي احيانا لاني ماقمت اتهنى باي شي اسويه..لا باكل لا بطلعه لا بنوم!!
بس غصب عني مااكلم احد ولا اضحك وانكت مثل اول..
واقسم بالله يابنات انه كان يضرب المثـل بخفـــــــة دمـه..ماشاء الله لا الـه الا الله..قعدته ماتنمل يوســـــــــع الصدر بشكـــل..كلن ينبسط لا قعد معه..
ويخــــــــــــاف خووووووف مو بصاحي من العيـــــــــــــــــــــــــــــن..مررره يخااااف!!

انا احس ان الولـد قاعد يحاول يرجع زي اول بس مايقدر مــــــــــا يقـــــــــدر..وانا حاولت اساعده بس مافيه نتيجــــــــه..يعنــــي مررره مفقود الأمـل:(

اااااااه يـــــــاربي قلبتي علي المواجع يـا اميـره...
يله مالنا الا الدعاء,,اتمنى اعرف وش في اخـوي,,

ياربي
نور الرياض الله يشفي اخوك ويرده لكم مثل اول واحسن

لاحول ولا قوة الا بالله
ضيقتي صدري
الله يطمن بالكم ويشفيه

ليش مايروح لطبيب نفسي يمكن يكون اللي فيه وسواس قهري
لأنك تقولين يخاف من العين بشكل فظيع

الله يعينكم