قريت الردود واتاكدت انه فهمت صح !


يعني الصورة الحقيقية هي , الزوجة تسولف مع صديقتها , بجوالها , الزوج يفتش جوال زوجته " لسبب الله يعلمه " وعلى حسب قانون عالم حواء هذا مايعتبر تجسس , التجسس فقط لو الزوجة فتشت جوال زوجها
ثاني شيء يقرا محادثتها مع صديقتها , مع انه ممكن يكون فيها شيء خاص او صديقتها مرسلة صورتها او اي شيء , وهذا برضه بنظر عالم حواء مافيه أي مشكلة ! بما انه الزوج له الحق يقرا كل شي ويشوف ومافي شي اسمه خصوصيات زوجة فقط خصوصيات زوج !


ثالث شيء هو فقط قرأ كلام زوجته , تعلم صديقتها وش تسوي ووش ترسل وكيف تروح , صحيح هالتصرف خاطئ من الزوجة وتفكيرها خاطئ برضه ,
لكن الوضع فعلي هو , انها اتكلمت مجرد كلام ! اعطت ارشادات غير سليمة !
يعني هالزوجة لا هي الي طلعت مع رجال ولا هي الي كلمت رجال ولا هي الي راحت لرجال ! .. بالاخير فقط سوالف بينها وبين صديقتها !


رابع شيء هالزوج متزوجها , ولليوم ماشاف عليها شي اخلاقياً , ممكن ماتكون ملتزمة تماماً وهالشيء الله يهديها , لكنه ماشاف عليها شي !


خامس شي تزوجها على أساس ايش ؟ خطبها على اساس ايش ؟ .. وهل شاف منها أي شيء يثير يريب سمع عنها شي ؟
الي فهمته من الموضوع أنه لأ !


سادس شيء , اذا هو شاك باخلاق زوجته او شاك بماضيها على اساس حكمه بالكلام الي دار بينها وبين صديقتها ,
واذا هو مرة ملتزم وذابحه الايمان والاخلاق , فالأولى يكون واعي انه بكذا يطعن بشرف زوجته الي لسه على ذمته !
والدليل على شكه ووو ؟ مجرد نصايح طايشة ومخالفة للدين الاسلامي بين بنتين يسولفون ,
لا هو الي اثبت عليها سوء اخلاقها من عشرته معها
ولا هو الي اثبت " عدم شرفها " سواء بماضيها او حاضرها , فعلياً هو ماشاف شيء !
يعني الصورة العامة ايش تقول ! هو كذا افترى عليها !


سابعاً , موضوع حساس يخص شرف الزوجة , يطرد فيها الزوج زوجته من بيتها بدون ماتكون سوت شيء فعلياً بناء على كلام قررأه
رغم انه في مليون طريقة يستفسر من زوجته ويتكلم معها ويحقق معها ويمضي انه يفهم الصورة بشكل أضح وأجل ,
لكن الي سواه الزوج , ببساطة راح كشف سر بيته الي يخص شرفه وعرضه هو قبل اي احد عند اهله !
والي تقولون سالوه وهو جاوب , كان يقدر يقول مجرد خلاف وبيمضي بلا تفاصيل


يعني بالصورة العامة , الزوج افترى على زوجته , تصرفه يدل على اتهامها بشرفها واخلاقها , وفوقها يقول لاهله الموضوع ,


كل هذا بنظر بنات حواء عادي لانه طبعا غلطة الزوجة بألف , والزوج له حق يتهم ويطرد ويشك بناء على كلام فقط
والزوج له حق يفضح سر زوجته عند اهله , ويخلي اهله يتكلمون عنها وعن شرفها لدرجة ينكتب مواضيع بالمنتدى عنها


برضه هالشيء بنظر عالم حواء عادي


لكن الي مو عادي بنظر عالم حواء , انه كيـــــــــــــــــــــــــف الزوجة تنصح صديقتها وتعلمها هالامور !!!
أكيد " وركزوا على كلمة أكيد بلسان حال الحوائيات " أنها اخلاقها سيئة وماضيها أسود وخبرة !


بالتالي مايكفي طرد زوجته من البيت لااااااااااازم يطلقها كيف يرضى فيها ام لعياله !!!!!


طيب تعالوا نيجي لناحية ثانية , بمواضيع كثيرة هنا مليانة عن رجال يقولون لاصحابهم بلاوي , البنت الفلانية فيها
وروح الغرفة الفلانية واطلب الرقم الفلاني سوي كذا ضيف بنات اعمل ووو ,


الحوائيات وش يكون كلامهم " ليش تتجسسين وتفتشين التفتيش حرام ليش تقرين المحادثات خلاص عيشي وطنشي "
تقول طيب يقول كذا كذا , الحوائيات يردون " هذه هي سوالف الشباب وش بتسوين ادعي بالهداية دامه مايسوي شيء وذكريه بربه وانصحيه وقربي منه ودلعيه وو "
تقول طيب بروح لاهلي طبعا يردون " لا تكبرين الموضوع طيش نزوة وتمضي اقعدي ببيتك وافرشي سجادتك "


طيب وش الفرق الي هنا ؟! هل هذا اب يستاهل يربي اطفال ؟ بنات حواء حتى لو الزوج وساخته صريحة يدافعون عنه ويقولون للزوجة اسكتي وادعي وخلاص بتطلقي وين تروحي !!


لكن هنا جلدتوا المسكينة ودخلتوا باخلاقها وشرفها وحكمتم بطلاقها وفضيحتها وماتركتم شيء فيها !
على اساس ايش ؟ والله قالت لصديقتها كذا معناه اكيد هي مسويته


مع انه اي انسان عاقل , وانا اتكلم عن العاقلين ,
بيقول أتروى , افتح المحادثة امامها اكلمها اسالها وش هذا , اشوف ليش قالت كذا ومن فين هالافكار
استفسر هل هي تشوف هالشيء صح او لا ؟
وبعدها الشخص العاقل بيقرر , هل بيلجأ لحرمانها من صديقتها هذه ومنعها من التواصل معها
هل بيلجأ انه يقول هالموضوع لطرف من اهلها يكون حكيم بحيث هم يوعون بنتهم
هل بيلجأ انه يراقبها ويراقب تصرفاتها ويشدد عليها شوي
هل بيساعدها تقرب من ربنا وياخذ بيدها ويدور لها صحبة صالحة وهو نفسه يحاول ياثر على افكارها ويغيرها
ولو مرة جاته الحمية , بيوقف لحظة وبيفكر , هل انا شفت عليها طول ماهي معي للان وعشرتنا شي يمس اخلاقها وشرفها ؟
اوك انكسرت الثقة , يعطيها فرصة مايخرب بيتها يتعدل حالها وتحاول تكسب ثقته ولو طال الزمن ,
والايام كفيلة تعالج




لكن بنظر الحوائيات لا هذا لا يمكن يكون , خلاص طلاق اهتزت الثقة ! ماتنفع العلاقة خربت مافي رجوع غلطتها قاتلة مافي انحروها !




جد جد , هالمنتدى بديت أكرهه على سقامة العقليات الي فيه ,

وأدري في شخصيات مستقعدة لي وبتقول لي تدافعين عن غلطها وعن الي تسويه وتشجعين الحرام ,
رغم أنه انا ضد تصرف الزوجة تماماً وغلط نصايحها وكلامها , وافهم اانه بيطلع من واحدة وازعها الديني لاسف ضعيف
وممكن كذلك يكون عمرها صغير برضه او عقليتها صغيرة أو طايشة متحمسة او عاطفية بزيادة أو أو أو وكل هذا مايبرر غلطها ويثبت انه في خلل
لكنه شيء ممكن يتصلح ويتعدل , ماهو شيء يخلي احد يطعن " بالشرف " لأنه الواقع يقول انها " مجرد سوالف "


و أقول لهم بعد , استريحوا بس ,

اذا اخوك يحبها ما اعتقد بيقدر يطلقها
لانه بيخاف عليها من تفكيرها وانها تمشي بنفس طريق
صديقتها
بس ما ندري عن مدى غيرته وتحمله
يعني الصراحه كثير صعب يطلع هالكلام من المرأه خاصة
لو كانت أم بس يبدو انها لساتها ما صارت أم
اذا اخوك ملتزم وحاببها ملتزمه اعتقد ان شاء الله بالمستقبل
راح تكون زي ما يحب هي مع مرور السنوات راح تتغير
محتمل حتى مستقبلا تكون نسخه من شخصية اخوك
بس ماقلتي كيف دافعت عن نفسها ايش مبرراتها ؟؟

تناقض الموضوع مع عنوان الموضوع.

وزوجة اخوك لاتقل عن اخلاق صاحبتهاا
الحمدلله الذي عافانا مما ابتلاهم.
واذا يبيها ويحبها يطلب من زوجته تبتعد عن هالصديقه

ولا تجسسوا ..قوليله يقوم الليل ويستغفر كل يومألف مره ويهتم بنفسه عشان زوجتهه تهتدي وماتشوف في غيره والله يسخرله زوججته ياارب .