اخوي طقني عشان مرته

هذا مو رجال وحرمته العقربه حسبي الله عليها ونعم الوكيل والله يمهل ولا يهمل بتاخذ جزائها باذن الله بس عليكي باالدعاء والله تجيبي اجلها لان الله مع المظلوم ضد الظالم

تحملي على شأن أخوك يمكن بس وقت الزعل صار منه كذه
ويمكن أنت حبيبتي غلطتي عليه وأنت معصبه وماتدرين وش قلتي خليتيه
يفقد اعصابه
المهم كثري من كلمة حسبي الله ونعم الوكيل والاستغفار وربي يفرج همك من فوق سبع سموات
وزوجة أخوك إن كان ظالمتك فلاتنسين أن ربي حرم الظلم على نفسه وحرمه بين عباده
إن الله يمهل ولايهمل مصيرها يوم تنكشف وتظهر على حقيقتها
حاولي ماتبينين لزوجة أخوك أنك زعلانه من أخوك حتى لاتتشمت فيكم
وأخوك كلميه بينك وبينه وقولي ماتوقعتك تهينني قدام زوجتك وأنا كنت افتخر فيك وهيه ظالمتني
وحتى لوانا غلطانه ماتوصل أنك تمد يدك عليه ومن هذا الكلام
الله يسهل أمرك

انا مع كلام الأختmrh1 يمكن ضربك لانك عصبتيبة
اختاري وقت تكون فيه النفوس هادئة وصارحيه باللي في قلبك
لان العتاب صابون القلوب
وبإذن الله يكون هذا آخر سوء تفاهم بينكم

حبيباتي والله

ماقصرتو والله العالم اني انا مندهشه ماغلطت عليها بشي والله ولا أذيتها اهيا الي تتكلم فيني وتتهمني زور علما اني مره دينه واخاف الله حيل وعمري ماغلطت على احد خالتي ام زوجي تموت علي وحمواتي كذلك ومرت اخوي الكبير وسمن على عسل ومن دخلت هالشيطانه واهيا قاعده تظلم سكت مره ومرتين وثلاث ماكو فايده

قلت ماكو الا المواجهه والنتيجه طقني قدام الحريم ومعازيم ببيتنا عشانها !!

اختي الجأئي الى ربك وادعيه انه يفرج همك واستمري بالدعاء لانه هو الي يفرج الكرب كبيرها وصغيرها
انا معك انه موقف يقهر بالذات اذا كان من اخوك الي اصغر منك والي انتي مربية وربي انها تقهر والخطاء كله اوله واخره على اخوك الي نسى فضلك عليه وزوجتة اخوك خليها للي خلقها هو الي ياخذ حقك منها وادعي الله انه ينتقم منها الظالمه مفرقة الاخوان