اخوي طلق زوجته و انا السبب

قبل يومين كتبت لكم عن مشكلة زوجة اخوي
قلتلكم انها سوت معاه مشكلة و سوت مشاكل مع زوجات اخواني الثانيات حاولت اتفاهم وياها لكنها ما تحب تسمع لاحد
اذا جلست وياي بس تسب بالناس و تكره الكل
اتوقع لانها ما تصلي هالشي خلا قلبها قاسي و ياما نصحتها بالصلاة لكن بدون فايدة

المهم ان اخوي زعل عليها و طلب منا نخطب له
اكني رفضت انا و امي بناء على نصيحة الاخوات هنا و قلنا له ترا بنقاطعك لو ما رجعتها و اعتذرت لها
في البداية عند لكن بالاخير رجعها لانه ما يحب يزعل امي

الي حصل انه رجعها و هي كانت واعدته انها تبطل مشاكل و تغير اسلوبها بالحياه
اليوم انصدمنا انه طلقها لانه يقول من اول ساعة افتعلت مشكلة سخيفة (اظن تبي يجيبلها سواق مع ان ماعندهم اطفال)
تطورت المشكلة و تلفظت عليه و طلقها


انا السبب لاني اخترتها له لانها اخت صديقتي و اختها كانت تمدحها دايم
انا ما عندي خبرة و ماعرف شلون الحريم يخطبون
ضميري مئنبني و الله مو قادرة اوقف بكا من امس لاني احس ان اختياري هو سبب فشل زواجهم

دعواتكم الله يهون مصيبتي