اخوي عمره 11 انحرف بسبب لعبه

الأسرة والمجتمع

يابنات تعرفون لعبة clach of clans
اخوي له كم شهر يلعبها ومن بعد وفاة ابوي صار يلعبها بقوووه ينام ويصحى عليها يلعب وهو جالس وهو واقف وهو ماشي كل كل وقته لعب عليها
اختي الصغيره عمرها 15 شافت التحذيرات في الواتس من هذا اللعبه وفي كل مكان وانها لعبه داعشيه وكل اهلي شافوا التحذيرات لاكن محد تحرك منهم وشاف اخوي وشاف وضعه
ماتحرك الا هي خلته ينام واخذت جواله وفتحتها وشافت قروب فيها
في مجموعة شاب كبار يسولفون مع اخوي وواحد منهم يقول لاخوي كلام حب وغزل ويطالبه يصور نفسه ويصور عضوه
واخوي يقوله لا ما اقدر لا ولا وهو يترجاه ويحاول فيه ويقوله اخر صوره اخر مره وراح له في الببي
واخوي ارسل صوره للشاب هذا ورجع في قروب اللعبه يقوله كلام حب وانا احبك وافكر فيه ومن هذا الكلام ورجع يطالب في صوره ثانيه
واخوي يقوله انت تقول اخر مره انت تقول اخر صوره ليش تكذب وتطلب غيرها
وهو يسحب في اخوي
يابنات اخوي عمره 11 سنه لاكن تفكيره واسلوبه اصغر بكثييير من كلامه وحركاته وتفكيره ينعطي عمر 7 او 8 سنين
لانه من يوم ولادته كان عنده ضعف السمع وضعف البصر وكان دائما تعبان وفي المستشفى
لماصار عمره 7 سنين صلحوله عمليات وصار يسمع ويسأل من هذي ومن هذاك ماكان يعرف خالتنا ولا عماتنا ولا جداتنا ولا جيرانا و بداء يتعرف على البيئه اللي حوله
المهم انا خايفه عليه ابوي الله يرحمه كان مدلعه اخر دلع وطلباته مجابه وكان يقول انا بدلع ولدي لين اموت وانتم بكيفكم بعدي
المشكله انا ماني عارفه كيف اتصرف امي ماتصدق في اخوي ومخليته على راحته
اختي ارسلتلي محادثه وحده بس والشاب هذا يطلب اخوي صوره تقول حذفه من الببي
لانها ارسلت عليه من انت وحذفها وراحت كل المحادثات
عندها البن حقه بس
انا قررت اكلم اخوي الكبير وهو يتصرف بس ما ادري اذا بياخذ الموضوع على محمل الجد او بيطنش وعادي
ما ادري كيف اتصرف
وهذي صوره للعبه
59
11K

يلزم عليك تسجيل الدخول أولًا لكتابة تعليق.

تسجيل دخول

سعادتي مستحيله
سعادتي مستحيله
اعذروني على الاخطاء الاملائيه لاكن المهم المقصود
اتمنى تفيدوني كيف اتصرف اكلم اخوي الكبير وانا اتفاهم مع اخوي اللي عمره 11 احترت
أم القائدين
أم القائدين
حبيبتي ما يربي الرجال الا الرجال ضروري تعلمون اخوكم الكبير قبل ما يتورط اخوك الصغير لان كثير من الأولاد الصغار غرروا فيهم رجال وصخين لوطيين الين تمكنوا منهم


وأخوك الكبير اخبر بخبث الرجال و مكرهم وراح يعرف ينتبه لأخوك


الله يخلي لكم اخوانكم ويحفظهم من كل شر


وشكرا على تنبيهك لنا من هاللعبة
حلم ليته تحقق
حلم ليته تحقق
صوري المحادثه وخلي اخوك الكبير يشوفها ..لازم احد كبير وفاهم يتدخل في الموضع بس من غير لايستخدم معه اسلوب الضرب ....
11 سنه لسى صغير اي احد يقدر يضحك عليه ويورطه في مصايب ..الله يصلح حاله ...
عبير ازهار
عبير ازهار
اخوك امانه عنكم اخوانه الكبار اخاف بكره ينشرون صوره كلها واسمه
وبتاثر على نفسيته اذا كبر
وبيقول ليتكم وعيتوني
اخوك يبيله اخوك الكبير تقولين له كل شيء
وخليه يتفاهم معه بحنيه وتعقل
ان في اشياء غلط وعيب ومحضوره ويقول الناس اللي موجودين ماتعرفهم ولاتعرف اخلاقهم
انتي مدامك عرفتي مسؤله انك ماتخلينه لهذولا الوحوش
حسبي الله عليهم
الألماسة 99
الألماسة 99
اللعبة هذي عند اخوي
الله يستررر
طيب كيف راسله لوحده اشوف الدردشة جماعية