السلام عليكم ورحمة الله وبركاته اخواتي
عندي اخو الله يصلحه قرت عيني عمره 18سنه خلص الثانويه السنه هذي فيه خير كثير وطيب قلب بشكل فضيع يعني فيه ثقه عمياء بكل الناس وكثير علاقات وكل يوم له صديق ينلعب عليه بكلمتين من طيبته الزايده والمشكله انه يتيم ما عنده احد يوجهه وهو يبيله رجال يشد على يده ويتابعه ويعرف من اصحابه وانا وامي حريم ما بيدنا حيله ودنا بهدايته وصلاحه وخايفين عليه يطيح بشلل ضايعه يضيع معها عجزنا نصحناه كلمناه مافيه فايده ماعندنا له الا الدعوه الصالحه ان الله يهديه ويهدي شباب المسلمين وقعدته بالبيت من غير دراسه ولا وظيفه احسه بيضيع خايفه عليه يا بنات مثل روحي افكر فيه اكثر من عيالي لا تقولون دوري احد ما فيه احد بيهتم كلن لاهي بحياته يبنات شورو علي كيف اجذبه بالدعوه والأتزام بالصلاه غير الأشرطه ابي فكره حلوه اتقبل ارئكن وردودكن بصدر رحب وادعوله وكل شباب المسلمين بالهدايه والصلاح عسى الله يجعل فيهم خير ونصره لهذه الأمه وصلاحها امين يارب العالمين:26:
توله عطر @tolh_aatr
محررة
يلزم عليك تسجيل الدخول أولًا لكتابة تعليق.
الصفحة الأخيرة
والله بهالعمر اخطر شي انتبهو عليه والله يجعله من الصالحين
طيب ليه ماتقولين له يسجل بدور لتحفيظ القران
نفس الكلام وازيد عليه قوليله انت سندي بعدالله من يحاميني لو احتجت رجال ازرعي فيه انه هو رجال وانكم معتمدين عليه كثير بعد الله طبعا عشان دايم يفكر فيكم ومايغلط عشان ما يشوه صورته قدامكم ويعملكم حساب
والله يهديه ويهدي اخوي