اخوي كلمني يبيني اشتري له سياره

السلام عليكم
اخواتي كيفكم ماودي اطول بالمقدمات لكن ودي افضفض لكم احس مخنوقه
انا الحمد لله موضفه ومتزوجه دق على اكبر اخواني من ابوي وهو توه متخرج من الثانوي يقول اشتري لي سياره بحدود خمسين الف قلت انتظر لين تتوظف واشتر لك سياره قال لا انتي تاجره ومدري ايش من هالكلام الي متاكده انه ملقنته امه واخواته
طبعا انا امي مطلقه ومربيني جداني وابوي اهم ماعنده زوجته وعيالها
هالحين تو عرفوا اني اختهم عقب ماشفت من الويل من امه وخواته واللحين اختي من امي عندهم تعاني يجيها ضمان حتى اللبس مايشترونه لها وعلى العلاج النفسي وانواع العذاب حتى الضرب جسمها ازرق منه
اقسم بالله اني مقهوره حتى لو عطيته ماراح يبين بعيونهم ابوي قلت له ابي اشتري لي واخواتي بيت لوحدنا جنبك وقعد يهزئ فيني شوي ويضربني
يفرق بينا بالمعامله اذا شاف بنات زوجته طار بالترحاب والفرح واذا جيناه عقد حجاجه وسوي نفسه طفشان
والله اخرتها ابوي مطلع باسمائنا اراضي وكله دوووب حرمته وعيالها وانا حتى المهر يادوب اخذت منه بالهواش
وامي تقولي ياويلك ان عطيتيهم لو ريال وزوجي بعد
تكفوون وش اسوي كلن طامع هالراتب ولاهم واقفين عند كذا ادري كل يوم طلب
وش الحل بنظركم انا بعد خايفه يتغير علي زوجي ثم احتد على ابوي وزوجته وخايفه بعد ابوي يزعل و يكرشنا هو وزوجته وعياله من البيت
حسبي الله ونعم الوكيل فيها زوجة ابوي الله يورينا فيها هي وبناتها عجايب قدرته. انواع العذاب النفسي اعيشه يوميااااا وكل يوم وابوي منتفخ علي والسبب هن الله يشغلهن بانفسهن حولن حياتنا جحيم
اعرف كلامي مو مرتب بس ابي حل منكم رجاءً