اخوي كيف اتصرف معاه

السلام عليكم
خواتي في منتدى حواء فيه وحده استشارتني وبصراحه ما عرفت شلون اجاوبها انا بحكي لكم الوضع وكل وحده تبدي رائها او اذا فيه رقم داعيه او استشاري اسري ثقه ترسله لي خاص...
الاخت تقول اخوي كان من خيرة الشباب صلاه واخلاق وتمام ماشاءالله عليه ماكان فيه الا عيب واحد انو مزاجو صعب يعني يزعل من حاجه ماتزعل او من نصيحه ويرجع بسرعه يعني مايطول بالزعل المهم قدر الله وتوظف اخوها بالعسكريه اول سنه كان ماشاءالله منتبه للبيت ولاهله واموره تمام التمام الحمدلله (صح نسيت اذكر انو ايضا كثير الطلعات يعني خرجاته كثيره ويسهر نوعا ما )
طلب اهله يخطبون له وهو توظف عسكري بعد الثانويه بسنه يعني عمرو صغير مره طنشته امه سنه كامله وهي تماطل فيه وهو اخطبوا اخطبوا امه طنشت لانها تشوفه صغير جدا عالزواج ولانه يسهر فقط على ثالث سنه بدى يتغير دخل في ديوانيه مع اصحابه طبعا من توظف صلاته صار يهملها لان دوامه شفتات تغير تعامله مع اهله مايوديهم ولايجيبهم دائما انا مشغول سافر الامارات والكويت وصار كل سنه يسافر ايضا يروح للبحرين الولد تغير كثير المشكله انو خطبوا له بنت زي الورده واخلاق واهلها جدا طيبين وهو اللي قال اخطبوها وابوه هو اللي خطبها والا الام تقول مايستاهل هالبنت ابي له وحده شخصيتها قويه تعرف تاخذ حقها وتدير حياتها صح
الحاصل انو اهل الولد كانوا مسافرين وهو جلس في بيتهم ماسافر رجعت اختو وراحت لبيت اهلها ترتبتو وتنظفو قبل لايجون اهلها وتقول لما دخلت وحده من الغرف لقيت اشياء تدل انو كان يا مع وحده يا مع واحد في وضع مخل وتقول انا متزوجه واعرف ومتأكده انو مدخل احد البيت
هيا خايفه جدا على اخوها لا يضيع ايش تنصحونها كيف تتصرف هذا اخوها وحارق قلبها
تبي منكم نصيحه ودعوه واذا عندكم ارقام تقدر تساعدها فامر اخوها لاتتأخرون


القصه بين ايديكم ..... ولكم حرية التصرف