اخوي لسى في أول ثانوي واكتشفت انه يدخن!! ساعدوني مخي مشتت مدري اعلم اهلي او لا؟؟!!!!

السلام عليكم..
والله ضايق صدري ومخي مشتت..
عندي اخ بأول ثانوي يعني بداية مراهقه.. وهو اصغر واحد بالبيت..
قبل شهر اخذ مفتاح سياره ابوي من ورانا وصدم فيها..
وعدت السالفة بسلام.. قلنا مراهق والشكوى لله..

لكن باجازة اليوم الوطني سافر لاهل امي بجده..
واليوم دق خالي الكبير.. وهو رجل عاقل ومتزن جدا..
وقال لي : فيه موضوع ابيه يكون بيني وبينك..
وما ابي امك وابوك يدرون..

انا هنا ارتبكت مررررررررررره..!!
وقال لي انه شم دخان بأخوي لما كان عندهم..
وشافه بالبراحة اللي ورا بيتهم يدخن..
بس اخوي ما انتبه له ولا حس فيه..

انا هنا انصعققققققت..
وخالي قال لي انه كان يستغرب ان الولد كل شوي طالع..
رغم انه ماجلس عندهم الا 4 ايام..
برضو ببيت اهلي دايم طالع.. وكل شوي يقول بروح البقاله..
بس ماقد شكينا فيه..
نحسه لسى صغير وبريء على هالامور.. اااااه بس..

المهم.. خالي نبهني ان التدخين يجر لشيء اعظم..
وقال ان الموضوع مو سهل.. وهو لسى ببداية المراهقه..
ونصحني اكلمه انا بما اني اكبر اخواته..
يعني احل الموضوع بيني وبينه..
واحذره لو استمر اني بعلم امي وابوي عنه..

لكني قلت لخالي كيف اتابعه وانا ساكنه ببيتي مع زوجي..
ومثل هالمواضيع يبي لها احد عايش ببيت اهلي..!
لاني ماراح ادري اصلا وش بيصير بعد كلامي..
خصوصا اني ما اشوف اهلي الا يوم بالاسبوع..!

وقلت له لازم ابوي يدري.. لانه اقدر على علاج الموضوع..
قال خالي انه خايف ابوي يضربه ويقسى عليه..
وان المراهق ماتنفع معه الشدة عشان مايعاند وينحرف..

وطبعا امي ماينفع ابدا تدري..
لانها بس بتتنكد عالفاضي..
واصلا ماينفع يبان اخوي مكشوف قدام الكل..
عشان كذا فكرت اعلم ابوي عشان احطه بالصورة بس..
واتفق معه اني اكلم اخوي وابين له ان محد يدري غيري..
بحيث ان ابوي مهمته يتابعه بس..
ولو عادها او استمر عليه.. يصيده ابوي بالجرم المشهود..
بس برضو خااااايفه على اخوي ومتردده..

والمصيبة بعد ان ابوي الله يهديه مدخن..
يعني اخاف بتواجهون..
ويصير تلطيش من اخوي.. وهو بينه وبين ابوي احترام..





يا بنات انا محتااااااااااااااااره مدري وش اسووووي..
تكفون دبروني؟؟؟؟