اخوي متزوج بالسر

بالبداية أوضح لكم انا ابوي متوفي وأمي مريضه الله يشفيها طريحة فراش ماتحس باللي حواليها وعندي اثنين إخوان واخت وحده الله يحفظم
القصه ولب الموضوع اخوي ملك ع بنت عمي قبل سبع سنين وتأخر زواجه بسبب دراسة بنت عمي لأن عمي قال تخلص وبعدين تتزوج
والحمدلله السنه اللي فاتت تزوج بنت عمي اكتشفت ان اخوي متزوج قبل بنت عمي ومخبي علينا صارحته اني عرفت كل شي واعترف لي أنه يحبها وعنده بنت وولد تخيلوا ونحن ماندري الحين هو معترف لي قال خلي موضوعنا سر ولاتقولين لأي مخلوق انا مصدومة من تصرفه وايد وايد ومو عارفه شنو أتصرف هو قال إنه يحب اللي متزوج بالسر ومستحيل يتركها هي وأولاده قبل شوي واللي خلاني اكتب الموضوع بنت عمي اللي هي زوجته تقول اخوك غريب دايم استلاماته خميس أو جمعه وينام بالعمل كثير مدري ايش اقول لها قلت ايه كذا دوام اخوي انصحوني بنات بايش أتصرف ضميري يانبني اخوي مره متعلق بزوجته وأطفاله ويقول مستحيل أحب بنت عمي ولاتجي نص زوجته أرشدوني