الله يكتب اللي فيه الخير

مو مهم انتم وش تبونه يصير المهم هو وش يبي يصير
شوفي اخوك اولا صغير سنه ع البعثه حلو لو يحب يدخل جامعه البترول
واذا اثبت نفسه وجاب درجات عاليه يبتعثونه يكمل بكندا او امريكا
انا اولاد اخوي اثنين كذا
وبعدين يا قلبي انتي تعرفين اخوك وتفكيره اكثر من اي وحده منا
فيه شباب بسم الله عليهم عقلهم اكبر من اعمارهم
وشباب الله يستر عليهم يتاثرون بكل شئ ومن اي شئ

الله يوفق اخوك وتشوفينه احسن الناس

ولد اخوي حصل على نسبه عاليه على مستوى المملكه وانقبل في برامج نادره لايقبل فيها غير خمسين طالب
لكن هو لان التخصص الي يحبه في جامع الملك فهد راح لها واهله عارضوه انه يسافر برا لانه صغير لسا
ممكن في الماستر يروح وجامعه الملك فهد قويه مو كل جامعات امريكا قويه

حلوة جامعة البترول واللي اعرفه انها تسوي ابتعاث لطلابها والله اعلم


بس ياليت ماتدخلون بقرار مستقبله

خلوه يختار التخصص اللي يلاقي نفسه فيه

شوفوا ايش ميوله وشجعوه عليه

الله يوفقه

جامعة البترول والمعادن ممتازة ومن افضل الجامعات عندنا وتناسبة مادامه متفوق وفيها تخصصات كثيرة
المهم هو يشوف وش ميوله بالضبط ويدخل التخصص اللي حابه احسن