اخوي مقاطع امي يقول مانفعتنا يوم انا بحاجتهاخلاص لادورنا اللحين

السلام عليكم ورحمه الله وبركاته


يابنات انا سالفتي ومعاناتي طوويله عريضه لو اكتب واشرح من اليوم الى بكره منيب وفيتها حقهاا بس بقوولكم المشكله الجديده اللي انا طاايحه فيهااا


انا ابوي مطلق اومي من يوم انا عمري سنه واخوي اللي اكبر مني سنتين المهم طبعا اوم كانت عايشه بيت اهل ابوي وصارت مشكله وطلقهاا حنى ربينا عند مين عند جدتي اوم ابووي طبعا القصه كيف جينا عند جدتي ماكنت حاظرتها بزر مااعيي حالي بس قالوا بعض عماتي ودايم يقولولنا اومكم جدعتكم وامكم ماتبيكم ومن هالكلاام الله المستعان وهم يوم كانوا يقولنها منقهرين ان امهم اللي هي جدتي على اخر عمرها جايه تربي مبزره وهي كانت كبيره اصغر عيالها بالجامعه يعني ميب لم البزران والله يشهد ان عمرها مامنت ولاقالت عن امي شي شين بس هم زي انقهروا على امهم وهم كانوا طبعا يساعدونها علينا ويلبسون ويدرسون وكانت جدتي الله يجزاها خير ويعطيها الصحه والعافيه ماقصرت الا المناسبات ماتحظرها وقطعتها عشانا لانها ماعاد تقدر تطلع وعندها هالمبزره والشكوى لله وكان هذاك الوقت اومي حامل بخوي الثالث وحنا عند جدتي ويوم صار اخوي الثالث عمره سنتين وحنى نجي بين كل فتره وفتره نزور اومي عطتني اياه بيدي ومسكتني اياه على اساس يجي يعيش عندنا عند جدتي عاد والله هو بختيلاها هو غصب الله واعلم بس هذا اللي اذكره وانتم اعرف كيف الواحد اذا ماربى عند امه وابوه انواع المعناة والنفسيه والحمدلله عدت على خير وكبرنا ويوم صرت بثاني ابتدائي ابوي رجع امي جت حملت بخوي الرابع وبعد سبع سنين صارت مشكله وراحت عند اهلها واخوي الصغير صار عندي انا بيتنا وكان طبعا عمره ذاك الوقت ست سنين وانا كنت بثاني متوسط يوم تطلع امي كبرنا الحمدلله وانا اللحين عمري عشرين واللي اكبر مني واحد وعشرين والثالث بالثانوي واصغر واحد بسادس ابتدائي والحمدلله مشت الدنيا وراحت بزينها وشينهاا


المشكله ياابناات اخووي اللي اكبر مني مقاااااطع واومي وشايل عليها مره وله سنتين ماشافها واحسه زي الحاقد عليهاا يقوول يوم انا بحاجتها تخلت عننا واللحين هي تبنا لااتينا ننفعها اللحين وزي اللي مسوويه الماضي تعب نفسي واومي بعد تكلمني ومتضيقه تقوول ليه اخووك مايرد علي اذا دقت عليه وسمع صوتها يسكر بوجههاا ومايبيها وحاولت تتقرب له بالهدايا بس ماينفع وتقوو ليه ماينفعني شوفوا عيال الناس وش يسوون لمهاتهم وانا كن ماعندي ولد ومن هالكلام اللي يضيق الصدر وانا والله يابنات ماقصرت اذا قالي اخوي كلام اقووله ماتدري وش ظروفها ولا تدري وش عذرها يوم سوت كذا بس احس الكلام ضاايع

وابي استشيركم وش اسووي لي وقت وانا افكر بسالفه ماعرفت القى حل وامي اللحين تقول ان وحده من خواتها شايره عليها قايلتلها ترسل لاخوي رساله تخوفه وتذكر بايه قرانيه وحديث وتذكره بحقها وانا اخاف ينقهر زياده ودي اقوول لامي عن اللي بنفسه بس اخاف اقهرها واجرحهاا وبنفس الوقت ابي تفهم هو وش عنده وش سالفته تحاول تتقرب منه تعلمه وش كان ظرفها يوم انها تسوي كذا ولا اكلم خالتي وخوالي معن مافيهم فاايده ابد اصلا احسهم هم اللي كان وراه وراضين عن كل حياتنا والله تعبت وانا افكر ومالقيت حل وخوالي مغير يجدعون عليها من هلكلام اذا ودانا واحد من خوالي لمها يجي خالي الثاني يقول وين اخوك يقصدني يتسدح ويتبطح وذا الشايب يقصد اخووه يجيبكم ويوديكم ودي يفهوون وش عند اخوي وراه يسوي كذا
والله بنفس الووقت ودي اخووي ينفعها والله انها بحاجتنا اللحين لاموظفه ولاشي وامها ميته يوم عمري 6 سنين يمكن وساكنه عند واخوهاا وحاله يالله انا الشكووى لك
والله ماادري شوروا علي وادعوولي الله يجزاكم خير ويسعدكم