اخوي ناشب وزهقني

اخوي صارله شهر واكثر ناشب لي ومع اخواتي البنات وامي
يبغى يتزوج مرة ثانية على حرمته وهو عنده طفل عمره ٧ سنين
طبعا هم من زمان مو متفاهمين مع بعضهم
وياما هوشات ومضاربات بين بعضهم
حتى بالاماكن العامة وقدام الناس والسبب هي ونكدها
مايعجبها شي وهو على طول يعصب
مع العلم حرمته مقاطعتنا وانا بالذات ٦ شهور ماشفت وجهها ولا كلمتني
والحين الرجال مصمم يبغى يتزوج ويطلقها ويكون عائلة ثانية قبل لايضيع عمره كل يوم يدق علي وعلى اختي وعلى امي ناشب لنا وقالي اذا مو انتو تدورون لي عروس بيروح عند الخطابات يدورون له
انا خايفة اذا سعيت له اني اظلم زوجته وتدعي علي او يدور الزمان علي وزوجي يتزوج
امي واختي قاعدين يسألون له ويدورون له تقولو ماصدقو يكلمهم عشان يشتغلو شغلهم بسبب مشاكل الحرمة معهم
ماحبيت منهم هذي الحركة عشان حرمته
وهي على طول نكد ومو عاجبها شي وحش فيه واهانة له قدام اهلها رغم انه معيشها ملكة
هو الحين حاقد عليها وطفشان منها مايبغاها ابدا
وغير عن شروطه
يبغاها صغيرة عمرها بين ١٨ و٢٢ وهو عمره ٣١ سنة
يبغاها ساكتة ومسكينة ودرويشة وشخصيتها ضعيفة
بس تاكل وتنام وتجيب له عيال وتتقبل ابنه قبل كل شي
واهمها تقولو العروس تتزوج ابنه مو هو
حاطط ابنه الشرط الاساسي بالزواج ويقولي لي مارح تقبل وماتحب ابني مارح يكون فيها خير لي
وصلنا معاه يحط الولد عند امه ويتزوج مارضى
قالتله اختي حطه عندي عشان زوجها ضابط وعلى طول مرابطات وهي بروحها بالشقة
يقول مايقدر على فراقه وماحد بيهتم فيه مثله ولازم يكون تحت انظاره على طول
مع العلم انه صارله اسبوع مطارد حرمته عند اهلها وقاعد هو وابنه بروحهم بالبيت وواصلة بينهم للطلاق
حاولت المحله انه يتصالح هو وحرمته مافي مجال يقولي خلاص تعبت منها صارلهم متزوجين ٨ سنين ونفس الحال
زهقت منه والله كل يوم اتصال ورسائل يبغى العروس ب اسرع وقت وانا قاعدة اسلك له وامي زهقت بعد وهو ولا على باله بس يبغى يكيد حرمته ويقهرها