كيفكم ياحلوين ان شاء الله تمام المهم انا والله داخله ابي افضفض محد حاس فيه اول شي ابي اقولكم ان ماعندنا شغاله هاذي الشغاله نسمع فيها ههههه والله من جد امي رافضه شي اسمه شغاله تقول عشان العيال ماعندي غير اثنين من اخواني بس واحد يخرج مايجلس فالبيت اما الثاني لصقه بالبيت استغفر الله ماعنده اصحاب ولا وظيفه ولا صلاه ولا شي مدري ليش عايش بس عايش للتخريب والله ان وظيفته بالبيت التخريب يدخل المطبخ يقربع ويطلع المواعين كلها برى :angry:كله عشان يبي يسويله بيض ههههه هاذا لو يبي يسوي ذبيحه ايش يسوي ههههه والبتقاز الله لايوريكم يطفح من الزيت والارض كلها زيت والمغسله يسدها ومافي شي بالدولاب مايطلعه الملح والشطه والبهارات والقدور كلها فوق المطبخ وفالارض والله اني تعبت معاااااااااااه اصااااااارخ
واتضارب معاه بعض الاحيان كله عشان هالبيت والله من غير دولاب الملابس والله الملابس كلها بالارض ولايرجعها كل يوم اطبق الملابس اجي القاه منكوته فالارض:09: خلاص تحطمت صرت اقوله انته صاحي ولا مجنون ماتفهم من جد احسه مايفهم والله يابنات اذا سوه شاهي يجي يشرب بالصاله واذا قام كب الشاهي برجوله على المفرشه كل يوم مستحيل يسوي شاهي مايكبه استغفر الله طيب ايش الحل معاه والله يابنات انه يرفع الضغط حتى لما نرسله البقاله يضيع الفلوس او ينسي الباقي عند صاحب البقاله تعبت معاه مع انه عمره 22 سنه موصغيروش اسوي معقوله في احد بالدنيا زيهياليت تدعوا ان ربي يهديه ويكبر عقله ويصبرني عليه:(