اخوي هل هو طبيعي

السلام عليكم حريم حواء
بدخل بالموضوع ع طول من غير مقدمات

مو عارفه من وين ابدأ

يالله بسم الله الرحمن الرحيم..
اخواتي ابغى مشورتكم في اخوي عمرة 29 داخل في30لمن كان عمره22 الى 25 يعني تقريبا كان يهتم بنفسه وبجسمه وبأناقته وكان يفكر بالزواج وكان عنده مواهب اهمها كان رسمه ماشاء الله من وهو بالابتدائه وكان جيراننا يرسلو الكراسه علشان يرسم لهم..الحين الرجال مايرسم يقول لو ارسم تبتل الورقه عرق مو طبيعي..

اول يطري الزواج ..الحين الرجال ميح ابد مايبي طاري مره..والله مره بكيت عندة وقلت ياخوي تكفى فرح ابوي وامي فرحنا يقول انا ماابي الحريم الحريم فيهن وفيهن يقعد يلف ويدور ويقول روحو زوجو اخوك فلان اللي هو اصغر منه...طيب مره راح مرافق مع عمي لشيخ وقرأ الشيخ ثم ركز ع اخوي وقال انت بك بلى زعل اخووي قال انا مافيني شي انا جاي مرافق مابي الا العافيه...قلنا يمكن بك بلى قال لا عمي يقوي ذا الشيخ كلامه نصه دجل؟؟

احنا الحين محور حديثنا هو..الرجال ماشاء الله وسيم وكثير يمدحوه وموظف وحبيب والشقه جاهزة ليه مايتزوج..

ابوي تعب معه يبغاة يوافق واحيانا يجي ويقوله يافلان ترى خطبت لك يقوله بكل برود خل اخوي يدخل عليها او انت

احنا لاكلمناه بالزواج يتضايق ويقوم من القعدة ودايم يشكي من معدته ونقوله رح للمستشفى ويرفض بشدة .. والله عجيب

الحين لمن اكلمه يقول مابي اظلم بنت الناس معي انا ماابي اتزوج ماابي مره؟؟؟
ويقول ماتصدقي اول اذا وديت الوالده السوق لازم اكشخ شوي وانزل معها ارز نفسي اما الحين والله ولا عبالي مرت من عندي بنت او ولد ماتفرق واروح يقميص النوم عادي وماانزل مع الوالده استناها بالسياره..

الحين احنا سكتنا عنه بس والله مثل الجمرة بقلوبنا كل الناس يسألو فلان مااعرس ونرد بكل فشيله بعده يكون نفسه المشكله انو اللي اصغر منه صار عندهم اولاد...

الحين قاعدين ندور لاخوي اللي اصغر منه ع زوجه لعل وعسى يغار ويتحرك شوي

والمشكله بعد عمي نفس حالته هم بنفس العمر وكانو اصدقاء الحين قهر مستأجر شقه وعنده وظيفتين ماشاء الله لاحول ولاقوة الابالله ويحضر ماستر ونفس مشكله اخوي مايبي العرس........طيب ليه؟؟؟؟؟

والله شكينابهم قلنا يمكن متزوجين بسم الله الرحمن علينا؟؟؟؟؟وضعهم غريب

من عندها اخو او قريب نفس هالحالات ؟؟؟هل ذا طبيعي ابغى حلول الله يجزاكم الجنه ابي مشورتكم الله لايحرمكم الاجر.......