قولي لي اخوك وكمان انت انكم تصلووون صلاة استيخاره وربي يقدم يلي فيه الخير

بالله وش هالعقليات !يعني يعرفها ويحبها ويبيها بالحلال تقولون لأ ؟!على اساس الي بتخطبونها بدون مايعرفها مابتكون ممكن عرفت غيره او حبت غيره وصار معها مثل الي سويتوه مع ااخوك ؟!ذنبها لربها وغلطها مثل غلط اخوك ! اذا بتتكلمين عن اخلاقها فتكلمي عن اخلاق اخوك هو الي ركض وراها وهو مو احسن منها ! اشوفك تنزلين منها واخاف ومدري وش ! طيب هي وش يضمنها انه اخوك مثل ماكلمها مايكلم مليون غيرها ومابيخونها بما انه متعود ؟!مدري وش تبون بحياتكمشخصين غلطوا غلطة ويبون يختمونها بالحلال ويستغفرون ربهم عن اللي مضى !تحرموهم من هالشيء ليش ؟!خايفة تكذبي كذبة ممكن اصلا بدون ماتكذبي تتوهي الموضوع وتحوريه شوي !لكن مو خايفة على نفسية اخوك وقلبه ومشاعر البنت الي له سنة معلقها ويلعب باعصابها ؟! بالاخير تراه مو بزر ! واحد قرب الثلاثين تراه رجال وجاك عشان تخطبينها له !تعاملونه كأنه طفل ليش ؟! يعني هو ماله عقل يكون قد الخطوة الي بيتقدم لها ؟!بهالزمن بالذات في كثير جداً تزوجوا بعد تعارف هل معناه كلهم اخلاقهم سيئة ؟! انا ما اشجع التعارف عشان لا يجون الي يحبون الدرعمة والاستقعاد !لكن شخصين يبون الحلال بأي حق تحرمينهم ؟! لو أنهم سيئين كان كملوا بالحرام ! اسعي بزواجهم وتعرفي على البنت واهلها واذا تعرفين عقلية امك كذا وممكن تخرب حياة اخوك بس عشان هو متعرف عليها ! فخلاص لا تقولين لها وضيعي الموضوع وشوفيها بأي مكان وقولي لامك شفتها بالمكان الفلاني وتعرفت عليها وانتهى !ماتشوفون المواضيع كل واحد من الرجال يكلم على زوجته والي تتزوج تقول شفت رقم حبيبته اهلها مارضوا والي تقول يبي يتزوج حبيبته الي اهله رفضوها قبل زواجنا ووووو

أستغرب من ردود بعض ... حتى حرام اسميهم اخوات لاني مااتشرف فيهم اخوات
اللحين الرسول يوم حب خديجة واختار زوجاته بنفسه ، صار والعياذ بالله غير مصطفى ؟؟
وش الالفاظ السوقية لمجرد انه حب بنت وبغاها بالحلال ويكمل مسيرة حبهم بالحلال تقذفونه وتقولون خبيث وخبيثة ؟؟ لابارك الله بالعقول الغير نيرة بالعقول المغلفة بالعيب وتظنها حرام اتقو الله دخلتو ف حياة البنت والولد وبعرض البنت لمجرد انها حبت شخص ( على فطرة الرحمن ) وأحسن محبتها وبيحفظها ؟ واللي تطعن بشرف اي وحدة كلمت ولا بتكلم ولا تزوجت عن حب لمجرد انها تزوجت زواج تقليدي ياشيخه اقص يدي لو مافي يوم دخل قلبك انسان حتى لو ماكان يدري ! انتي ماتوفقتي ب علاقة حبك انتي ماجاك الا زواج رسمي مو معناها اللي اختارو حياتهم ب انفسهم اقل منك مكانة عند الله !! على ايش الاستشراف اللي ف غير موضعه ! على ايش الاستدلال ب آيات ف غير موضعها ؟ كلنا حبينا وكلنا اخطينا وكلنا ختمنا قصص حياتنا بالزواج وكلنا نعاني وكلنا نشقى لمجرد ان حياتك صارت زفت وقدرك صار قليل وشأنك صار فالحضيض مايحتاج ترفعين معنوياتك على حساب ناس اختارو حياتهم بالشكل اللي يبونه !! هم راح يسعدون وانتي اجلس اضربي ب عرضهم وشرفهم لمجرد انهم حبو بعض على ملة الرحمن يالمعتوهات !! ترى اللذة اللي تحصلين عليها وانتي تسبين ف خلق الله وتحسبين نفسك افضل منهم ماهي الا لذة مؤقتة وبترجعين تغرقين بنفس انحطاط نفسيتك من حياتك اللي منتي راضية تنشغلين فيها بدل من الضرب ب اعراض الناس !!
المعذرة ي صاحبة الموضوع عصبتني كثير بعض الردود :
بقولك قصتنا : انا امي زوجت اخوي على كيفه امي مصادقه اخوي وبالعكس كل شي يجي يقولها ، اقسم بالله ان عمره 26 وزوجته 31 وان جسمها يخوف قصيرة ودبا وعريضة من فوق ولا ارداف ولا شي احلى مافيها شعرها اقسم بالله يوم امي شافتها انصصصدمت وضاق صدرها ، ويوم سوينا حفلة الشبكة ان كل قرايبنا احلى اشكال منهم كثيييير اخوي مو مدح فيه عادي مملوح ، بس طول ب عرض واحلى منها انصدمو كل قرايبنا وضاقت صدورهم .. وهو يدري بكل هذا ، تدرين وش قالت امي ؟ قالت هذا اختياره مالي دخل فشل ولا نجح انا معلمته يتخذ قرارته بنفسه ويتحمل نجاحها وفشلها ( والله يسخرها لوليدي لاني اتمنى اشوفه سعيد ) وهو يقول ادري انها عادية واقل بس تهتم فيني وتحبني واسلوبها يجنن وقلبها على قلبي لو الف الدنيا مالقى زيها واللي منصدمين منه قرايبنا انها يسافر ويشوف وزار 23 دولة للأن وعمله مختلط يعني يعرف الزين والشين مو ماعمره شاف خير ! لكنه سعيد ومقتنع فيها فوق ماتتخيلين ، ي اختي الفاضلة اذا والداتك راح تكون سبب ف فشل حياة اخوك تكفين لا تسببين له التعاسة واسعي له بالخير ولا تصيرين بينه وبين امه خافي الله ! اسعدك وقايم فيك واخوك حبيبك وتستكثرين عليه سعادته ؟ وربي حاسة فيك لاني كنت اشوف الحسرة والخوف ب عيوننا على اخوي ولكن الرجال دايم يصدق ف اختياره لانه عن قناعه والله كاتب الاقدار من سابع سماء سوا عليها او على غيرها يسعد او يشقى اللي عليكم تدعون له بالتوفيق !

لا اجد

للمتحابين الا النكاح في حديث عن الرسول صلوات الله وسلامه عليه ان المحتابين يتزوجو

الحب ما يجي بالريحة اكيد يا شوفه يا كلام يا يا يا يا والمحبة تتوج ب الزواج اجل نخليهم بالحرام يتواصلو ويضلو كذا ولا احسن نصلح الوضع ونزوجهم ؟!!
اشوف انه كل إنسان يقدر يعرف الي يواصلها ايش طبعها وهل هي تستحق تكون ام عياله او لا اخوكي كبير وعاقل