اخوي والمغازل

السلام عليكم ورحمة الله وبركاته
البارح كنت عند امي وزحمة بين اهلي وعيال خواني وخواتي وبناتهن المهم فيه واحد من اخواني نسا جواله وغالبا اذا حنا عندهم يفتح الرقم لولدي ويعطيه يلعب ولدي 6 سنوات وهو يكون عنده بس هذي المره نسا جواله واخذ جولاته الثانيه اتصل فيه واحد وطلع مادريت الا الجوال مع ولدي فاتح رقمه
.......
المهم يابنات انا تجيني شكوك في اخوي من اول احيانا يطلع يكلم ساعتين دخلت على الواتس اب وليت مادخلت عنده 5 بنات يكلمهن ورسايل ماصخه وثنتين منهن مقابلهن من خلال درشته معاهن ووحده منهن تشتغل في محل يقولها قفلي قبل الاذان عشان يكون فيه وقت
والثانيه يسألها كيف الامور عدت تمام ولما رجعت برسايل طلعت غايبه عن الجامعه ورايحه معاه
.
هذولي الثنتين الي اتأكدت انه قابلهم والباقيات ماعرف عمره 28 ورافض فكرة الزواج
انا صراحه انصدمت وضاقت الارض فيه وخفيت الجوال واخذته معاي لبيتي وهو سوا عليه حالة طواري في بيت امي
واتصل علي كذا مره ويقول فلانه تقول شايفته مع ولدك قلت لا ماهو معاه


مدري كيف اتصرف اكسر الجوال اعطيه جواله انصحه اوصل الكلام لبوي
من البارح مانمت زين مرتفع ضغطي