لاشي ء مستحيل
فاهمه شعورك الجميل وإحساس الأخوة بس انا خاطه في بالي اذا تزوجوا اخواني بينشغلوا التغيير هو اللي يقلب على آهله وماعاد يهتم ولا يسأل ويتسبب لهم بمشاكل اما انه خفف العلاقه فهذا مو تغيير
بس الولد كان فاضي والآن صار عنده بيت ومسؤوليه وانسانه ارتبط فيها بأشد المواثيق والعهود لها حق عليه
صعب يتشتت بين بيتين ومسؤوليتين ومو كل الناس عندها القدرة على إدارة أكثر من بيت فهو في البدايه اجتهد انو مايحسسكم بزواجه بس كمان اول سنة يكون فرحان بالعرس وتكون احلى ايام بعدها يرجع عادي
انا ماأقول خلوه يقطعكم بس حلو يتغدى يوم بالأسبوع ويسهر معاكم
انا اقولك لأننا واحنا بنات مجربين في بداية الزواج صعب المسؤوليه ماسكه بيت وتروحين لأهلك وتبغي تستمري على نفس الموال عشان مايحسوا اهلك
وحتى زوجي يعني ظغط نفسه عشان مايحسس اهله بس بالنهايه زادت المسؤوليه مع الأطفال وماقدر
خير الأمور أوسطها أمك مفروض يسأل عليها يوميا او يمر يسلم ويطلع بيته بس هو ماتزوج عشان غداه وعشاه وسهره معاكم

قلبو اذا تزوجتي راح تعرفين الحياة الزوجيه يعني راح يضيق صدرك اذا تغديتي لوحدك واهو عند اهله راح تعرفين اذا قضى وقته مع اهله وتركك وحيد ه تنتظرينه راح يضيق صدرك اذا حطك عند اهلك وسافر مع اهله طبعا خواتك بيكونون متزوجات وكل وحده مع زوجها عال العال بس انتي الي تشتكين ودمعتك على خدك انا ماقول انه مايجيكم والا والا بس مو لاهدرجه طبعا مايحس بالجمره الا واطيها وربي يالف بين قلوبكم ويسعدكم

حبيبتي هنا النفسيات راح يفهمونك غلط كل وحده بتحط نفسها مكان زوجه اخوك ومن حقها ومدري ايش وطبيعي يتغير
محد يحس بحالكم الا اللي جربه والله احنا اخوي قطعنا مره وحده يشوفنا مايسلم علينا ولا يطب بيتنا ولا يدري عن امي
سنين لكن مااقول غير الله يكون بعون امي دموعها دايم ع خدها


معليش طلعت برا الموضوع بس حسيت فيك
الله يعين بس

طيب اخوكم مسكين يتقطع بينكم...زوجته واكيدتبي تروح وتجي وانتواتبون يقابلكم ويسهرواكيدعنده عمله واصدقائه واحتياجاته الخاصه...مشغول..هذاكل مافي السالفه..
قبل ساكن بينكم ...الوضع مختلف...
تلقينه قاعدلاعندكم ولاعندها...حاله حال اي سعودي لازق باللاب توب....وانتواتفتكرونه انه طايرفيها..واساساولازوجهاتقدرتغيرزوجهاعلي اهله بالذات ببدايه الزواج...بعدين ممكن
اماتدخل وتتحكم...هذامستحيل..
هي بعدتركت اهلها..ولاعادتسهرولاتجلس معاهم ليه ماقالواتغيرت..وحتي انت بتتزوجين بكره وبتنشغلين عن اهلك ...وبتجيبين عيال وبيصيرالتواصل صعب حتي مع زوجك بعد


انتوااذاجلستواكذاتحنون عليه اقعداقعدمعاناهوبيطفش ويمكن فعلايتغيرعليكم...وبالتوفيق للجميع ..ياليت كل انسان يعرف ان الدنيافانيه ولاتستاهل كثرالمشاكل..والتعب..

كيف كل يوم يتغدى معكم أجل ليش فاتح بيت ومطبخ وجايب بنت الناس عشان يتغدى كل يوم عندكم الحمدلله والشكر لو كنتوا ناس اوادم وتخافون الله ماتخلون الضعيفة تأكل لحالها. احنا حتى الشغالات ماناكلهم لحالهم نناديهم يأكلون معانا واذا رفضت بكيفها وأغلبهم يرفضون
وانتي جاية تقولين اخوي تغير ايه اكيد بيتغير لأنه صار رجال وتزوج وعنده ببيته حرمه مسؤول عنها أجل تبغونه يتغير ويصير نقله نوعية في حياته بس أهم شي لايتغير عليكم صدق عالم فاضية وانانية لكن ان كنتي صادقة الله يجعلك تتزوجين واحد عنده أهل واخوات نفس أهلك يارب.
والحمدلله احنا مزوجين إخواننا وتغيروا علينا وجدا شي عادي وشي مفروغ منه ونتقابل مرة بالأسبوع كفاية نسلم على بعض ونعرف أخبار بعض والحمدلله زوجات اخواني زي أخواتي.