اخوي وحيرتنا معاه ... ارجو الحل؟

السلام عليكم ورحمة الله وبركاته ..

كيفكم يا صبايا .. ان شاء الله منيحين .. طبعا هذا اول موضوع لي معاكم .. وهي مشكلة تتعلق باخوي ..

اخوي انسان متخرج من الجامعة قسم هندسة كهربائية وبمعدل حلو .. واتعرض عليه يكون معيد لكن رفض !! حتى ابوي وامي والعايلة كلهم زعلوا .. وكان يقدر ياخذ بعثة بس رفض .. حتى زوجي طار فيه ..! المهم ان وضعه بدأ يحيرنا .. لكن الحمد لله ما طول حتى حصل عمل في شركة وبراتب جدا ممتاز .. المهم بدانا معاه انا وامي واخواتي .. ها تبغانا نشوف لك عروسة ومن هذا الكلام خصوصا انه ولد ابوي البكر .. الا فاجأنا قال انا مابي زواج ومو محتاج حرمة ولا عيال ابغى اعيش مسؤول عن نفسي .. طبعا اخوي علاقته جدا ممتازه مع الوالده واحنا البنات وخدوم جدا ولا يقصر مع احد .. وهو بيتوتي ما يخرج كثير ولا يسهر ولا يدخن ولا قد سافر حتى جواز سفر ما عنده .. ورغم انه مو ملتزم الا انه محافظ على الصلاة واخلاقه عسل .. والله يا بنات انا ما اقول الكلام هذا من باب المفاخرة قدامكم باخوي .. لكن والله انه مقطع قلب امي وقلوبنا عليه .. ليه مو راضي يكمل نصف دينه ما عنده شيء يمنعه وخصوصا انه وصل 27 سنة ؟! وامي تقوله يا وليدي ودي اشوف عيالك وافرح بك .. الشيء او العيب الوحيد فيه انه انسان غامض لابعد حد .. اذا ما احد سأله او كلمه مستحيل يكون هو البادي في الكلام !! وانا صراحة من حيرتي معاه وغموضه اللي حيرني .. قلت هذا اكيد له سر يا متعرف على وحده او شيء زي كذا المهم مرة كنت مبيته عندي اهلي .. ورحت قلت له انا بستخدم جهازك المكتبي اللي في غرفتك وهو كان خارح بره .. قال تفضلي بس بزورتك لا يلعبون في الغرفة .. الصراحة اني قلبت في الغرفة انا واختي وما حصلنا شيء غير طبيعي .. ودخلت على لابتبه واختي على جهازه وكان مخزن الباسوردات حقت كل حساباته: ماسنجر على فيسبوك ومنتديات ثانية ما حصلنا فيها شيء .. وكمان شيكت على سجل محادثاته وكل اللي يتكلم معاهم رجال وكل كلامهم عن الكمبيوترات وشغله في الشركة ومصطلحات انجليزية .. بس اللي لفت انتباهي اني حصلت عنده كتب كثير عن الفلاسفة .. وانا قرات ان الفلاسفة ما يؤدون الزواج والارتباط .. مدري احسها حاجة تافهة بس ممكن تكون واردة .. وانا عارفة انو التجسس اللي سويته غلط .. بس والله حيرنا معاه .. ومواصفاته في الف وحده تتمناه .. وخصوصا انو فيه كذا حرمه من جماعتنا وبنات من قرايبي يلمحون كذا وهل هو مترتبط او له نية .

بالله يا بنات بعد الله ابغاكم ترشدوني كيف الحل مع هذا الادمي .. وهل في وحده قد مرت بتجربتي .. عاد اول موضوع وتكفون لا تخيبون ظني .

في رعاية الله .