انتي تصرفك صح لا تجاملين على حساب صحتك يكفيك عيالك وزوجك بعد تبين تشتغلين عليه .. عموما انتي اقعدي معاها وشوفي وش مشكلتها يمكن حامل وحاولي توضحين لها الامور انها غلطانه وامك كبيره وتعبانه واذا هي بنت محترمه وعاقله بتستحي على دمها وبتمشي سيده

الله يعينك وانتي عشان تكسبي اخوك تقدري تلملمي الموضوع وتتصلي عليه وتعتذري بانه نفسيتك تعبانه حق الحمل وان عندك بيتك والعيال شاغلينك او انه زوجك بيكون بخاطره انك حامل وعادك تغسلي ملابسك اهلك
وقولي له تخيل زوجتك مكاني واخوها يجيب لها ملابسه وهي حامل بابنك مو انت بتزعل بتقول ليش ماعنده بيت وعيال


رغم انه المفروض زوجته تضفه وتخلي خواتها يخسلون له دام هو خروف لهالدرجه يشغل امه عشانها


حتى واذا هي حامل خير ياطير


تجيبلها شغاله ولا تجيب امها عندها ولا هي ماترضى التعب لامها


باين اخوك مايعرف الحريم او انه خجول
ماصدق هذه حرمه قدامه ولا حوريه استغفر الله




والله غيره وهم عرسان يخليها تخم وتنظف وخلاص بيتها عاد ايش لها عذر


الله يعينك استسمحي من اخوك وقولي له بهداوه وتفاهمو

احلفي بس
يتدلعون على قفا امه واخته
كان اتدلعت على اهلها واخذت غسيل زوجها عندهم
والا يبغى يدلعها ويريحها ياخذها للمغسلة
لكن الواضح ان الزوجة مكارة وداهية
ولقتلها زوج كمخة ورخمة

اسلوبك هذا بيسبب مشاكل بينك وبين اخوك
يعني انتي المفروض ماتتكلمين على زوجته قدامه مو حلو هالاسلوب
قولي له انك تعبانه وماتقدرين تغسلين وتكوين وبس
ماله داعي كثر الكلام ولو ماتبين تكرمين اخوك بسلامتك لا تكرمينه
ولاتحرضينه على زوجته بكرا ينفصلون ويضيع هالولد بسببك
اذا بتحلين الامور حليها بالهداوه ووجهي اخوك للتصرف الصح بدون لا تشحنينه عليها
وجهة نظرك صح بس طرقية اصلاحك للامور غلط

قولي بوجهها الحرمه الي ما تسنع بيتها بدالها مره تشيل زوجها وبيتها والحريم على قفى من يشيل صدقيني بتخاف وتسنع وامدحي صديقاتك عند اخوك ومرت اخوك فيه امدحي سنعهم ونظافتهم جننيها بمدح الحريم. الاشكال هذي استغلاليه لازم توقف عند حدها والا تتمادى.