اخوي وزوجته متفاهمين لكن حالهم يجبرني اتدخل

هلا بنات
اخوي عنده ثلاث عيال ويشتغل في الرياض ودوامه طويل
ورجع يكمل دراسته وزوجته ماتبي الرياض
الحين جابرته يحط لها بيت في المدينة الي حنا واهلها فيها
تقول ماتبي كل اجازة واهي مالها بيت والناس في رمضان والاعياد مستقرين
واهي من بيت لبيت وما حست بفرحة بيتها
غير انشغال اخوي في دراسته وشغله
اخوي ما رفض وبيحط لها بيت وان كان بيشتاق لعياله لكن يقول يحاول بعد اهو يلحق عليهم
مع ان النقل عندهم معقد خير شر

الحين انا ابي انصح اخوي لا يطاوعها
لان ماظنتي يلقى له نقل
وليش هي ما تصبر معه وتراعيه
خاصة وان المسافة بالسيارة بين المدينتين حوالي من 8 الى 9 ساعات

وش رايكم انتوا
انصحه خاصة انه يعزني كثير
وزوجته تبي تتمشى مع اهلها والعيال لانه مشغول
وانا همي اخوي لا يقعد وحده وعياله بعيدين


تعدييييييييييل

بنات فهمتنوني غلط
اخوي وزوجته عايشين في الرياض
واحنا اهله واهلها في مدينة ثانية
وهو حط لها شقة صغيرة مثل نظام الشقق المفروشة عندنا
بس ماهي مرتاحة للمطبخ ضيق حيل والشقة صغيرة
وتبي يحط لها شقة اكبر عندنا تستقر فيها وتترك اخوي في الرياض لحاله
لانه تقول مشغول عنهم ومالهم احد هناك
بس كيف يرجع اخوي عزوبي علشان خاطرها تتمشى هي والعيال
ومنو بينتبه لعيالها ويشوف طلباتها اذا اهلها حالتهم بسيطة وحنا ما تطلب منا وتعاملنا برسمية

امي كلمته قال لها ان زوجته ترجته يترك شغله اذا ما قدر ينقل
ويشوف وظيفة حتى لو راتب قليل في المدينة اللي احنا واهلها فيها
وان الاستقرار عندها اهم من الفلوس
بس اخوي رفض يترك وظيفته ورضي يحط لها بيت في المدينة اللي حنا واهلها فيها ويقعد وحده
وامي ما تحب تزعله لانه قايم فينا كلنا

يا بنات هو يبي يجيها كل ثلاثة او اربعة اسابيع بالطيارة
لكن مين بيقوم فيها هي وعيالها اذا اهلها على قد حالهم
واحنا تعاملنا برسمية

يا اخوات سبق لما تركت زوجها فترة لوحده
جبت لها امثلة للي تترك زوجها
وانه ينساها ويضيع وممكن يخون لكن تعرف مقصدي وتطنش
خاصة ان اخوي فيه الخير ان شاء الله