اخوي وزوجته وعيشتهم والحل

السلام عليكم ورحمة الله وبركاته
بستشيركم بموضوع استشارني فيه اخوي لاني اكبر منه
بس ابيكم تساعدوني
هو متزوج صارله سنه ونص
اختاروله خواتي بنت حلوه بس الباقي ماندري عنه غير حماتي
تعرفهم حيل لانها يوميا عندهم مو يوميا يعني حماتي وام البنت رفايج ودايم مع بعض
ام البنت صغيره
بقولكم شكل الام
عبايه كتف نقاب سير ((لثام))
العيون مكياج الام جميله وبيضا ولسانها تاكلج من حلاوته
ياقلبي ياعمري ياجعلي ماخلا فدييييتج لبئ ووووو الخخ :icon10:
المهم انه خواتي شافن البنت وخذنها استشارني اخوي فيها
قلت انا ماشفت البنت بس ترئ العايله متفتحه :eek:
يعني ناسس فري باللبس الام كتف ومكياج >> طبعا ماقلتله هالكلام
بس قلت مانصحك وانت كيفك
وخواتي كلهن قالو اخذها
خطبوها اهلي وتم الزواج
علاقتنا مع البنت ممتازه بس ماتجي الا بعزيمه عكس حريم اخواني الباقيات :icon10:
ماقلنا شي ودايم اخوي يقول اعزموها انتم لاتكلموني انا كلموها لانها حساسه
قلنا طيب وندق الوو فلانه حيياج لازم تجين ووو مجاملات ليومنا هذا مافي مشكله المهم عشان خاطر اخوي لازم نكلمها شخصيا ماعليناااا
جاني اخوي عقب زواجه بشهرين ثلاث قال انا الاحظها ماتصلي :rolleyes:
ماشوفهاكل ماقلت فلانه صليتي قالت ايه يقول متى ماشفتج تقول يووه انا صليت يوم طلعت
قلت يمكن تصلي وانت رايح للمسجد
هو يقول لا انا ماشوفها تصلي ماني مرتاح
بعلمكم شوي عن اخوي محافظ الصلاة بالمسجد راعي واجب تمشيات كل مكان يوديها
ماعنده خرابيط من يوم انه عندنا نعرفه
يخاف من كما تدين تدان حييل
رجال كل بنت تتمناه فوق هذا كله وسيممم واجمل منها ..
موعشانه اخوي بس بالفعل هو اجمل منا كلنا ..
المشكله وين مومرتاح كلششش رقم واحد صلاتهااا ماتصلي علئ كثر التحذير
2 عباتها كتف وعيونها كاشفه وكل يوم هوشه على هالسالفه
تقوله انت معقد شفيها يعني امي واهلي كلهم جذي
ماني لابسه
المهم عقب قالت البس راس بس شوف المسسايير مالبسها واذا بغيت اروح للدوام مالبسها
والسوق البسها اللي هي عباة الراس .. بس هو يقول كل ماشوفها طالعه بعباة الكتف تجيني ضضييييقه :06:
يقول تلفونها ماتخليني امسسكه عايله متفتحه جدا كلم الاب قال ذبحتناا انت دين ودين
والبنت لاتطبخ وعناديه ماتقتنع يكلمها باسلوب مايبي يظغط عليها عشان يبيها من كيفها بس للحين ماقتنعت وتهدده انها تلبس الكتف بكل مكان ..
الحين هي تطلع من وراه السوق مع امها وخواتها وهالشي اكيد اي رجال محافظ مايرضاه ويروحون للمقهى مختلط وهذا االلي انجن منه شافها مصوره بالصدفه
الرجال يقول عففففففت وانا اقول لااا تفكر بالطلاق ابد بس والله مالومه متفتحين واحنا ناس محافظيين مع انهم نفس قبيلتنا بس ناس فرررري

كلامي مخربط بس احاتي اخوي ضايع وييييكتم ماعمره تكلم سنه ونص يقول لاهلي الحمدلله ويرفع فيها ومبين من وجهه الهم فتح قلبه وكلمني انا مرته احبها ماشفنا منها شي لانها ماتجي دوم قليل بس طيبه بس اللي قاله اخوي لي صدددددمه .. مع ان مبين عليها شخصيتهااا قووويه حيل حيل وعناديه .. ساعدوني لانه راح اصور الرد المقنع لاخوي وارسله واالله انه ضايع ويقول هالاسبوع بتشوفين شسوي في حل يابنات !!
علئ فكره خلاها مره بيت اهلها علئ اساس عقاب
يقول ماتصلت ولاشي اسبوع عادي مافرقت معاها
بالعكس كانت عايشه حياتها !!!:06: