اخوي وزوجته ومشكلتهم

السلام عليكم ورحمه الله وبركاته
هذي مشكله تخص انسانه عزيزه علي وتبي من الحكيمات المشوره
يابنات احنا بهم كبير ممكن البعض يشوف الموضوع تافه بس عندنا مصيبه كبيره اخوي تزوج من 4 شهور تقريبا وحده من جماعتنا ماعليها كلام والبنت عسل ومو مقصرة باي شي مع اخوي ولا معانا وتحترمنا وتحبنا والعلاقه تمام التمام
الي صار انه اخوي من يوم تزوج دايم رجعته من الدوام مايخش شقته الا يشم ريحه غريبه وكل مره زوجته تتعذر مره بخور ومره طبخ ومره عطر وبالاخير اكتشف انه زوجته تشرب معسل كلنا انصعقنا لدرجه امي الله يرضي عليها قالت مانبيها طلقها بس الحمدلله ماوصلت الي هالحد وهي اعتذرت منه وقالت له مابقدر اقطعه مره وحده ولازم اخفف وهذا ادمان وكذا وان شاء الله بتقطعه والي اليوم وهي بعض الأحيان تعسل من ورا اخوي طبعا
والمصيبه انها حامل بشهرين وتعسل امي خايفه مره وتقول بيطلع ولدنا مشوة او فيه عيب بسبب المعسل وهي كل يوم تقول بتقطعه واخوي مهموم دايم اشوفه يفكر وكل ماقط معسله تجيب غيرها من عند صاحباتها لانه معسله الكترونيه وصغيره تخبيها باي مكان
فياريت الي تعرف تقول لنا وش نسوي هي وعدته تقطعه بس تدريجيا وحلفت له علي المصحف بس يبي لها وقت واحنا خايفين الي ببطنها يطلع فيه مرض او بلا من هالدخان ياريت تساعدونا بحلول معقوله والله مانبي الطلاق وخايفين علي الجنين مره خاصه اخوي ماتزوج الا كبير وهذي اول فرحه له ووده يشوف ذريته ادعو لنا ربي يفرج همنا ليل ونهار نفكر وامي مره متضايقه وماتطب شقه اخوي ابد مع انها فوقنا وعلاقتنا مع البنت عسل ماندري وش نسوي للمعلوميه اخوي كلم أهلها وكل اخوانها مدخنين وحتي خواتها وماتوقعو انه هالشي بيسبب مشكله ولا علمونا عن هالسالفه ويشوفوها عاديه جدا