انا لو مكانك اعرف زوجي بيقول ليه ماعزمني بنفسه
اما اذا ارسل لك بطاقات لك ولزوجك خلاص عادي عطي زوجك بطاقته وبس مو لازم يدق وروحوا
اما اذا مافيه بطاقات
لو كنت مكانك واخوي معيي يكلم زوجي بقول لزوجي اخوي عزمنا على زواج بنته وقال تعالي انتي وزوجك
واذا زعل زوجي وقال لا ماني رايح بدق على اخوي وبقوله عيب دق عليه واعزمه
واذا عيا اخوي يكلمه
وعيا زوجي يروح
مادري وش اسوي
بس زوجي معاه حق لو ماراح
وانا اروح الزواج بس ابارك للبنت واطلع على طول
ماقعد وبس

كيف ترضين اخوك يحقر زوجك لاياحبيبتي خبري اخوك سومي من سوم رجلي
وكانك تعزني وتبين احضر وشاريني كاخت لك
دق على رجلي واعزمة
بصراحة ماادري لية انت مترددة اللي مايبي رجلك لاتبينة حتى لو اخوك طالما رجلك
مكرمك ومحافظ عليك وعلى كرامتك وماقصر معك
والله ابيع اللي مايبية

مااعرف بس احس البساطه حلوة

يعني دامه قال لك تقولين له ليه تعقدين الموضوع

انتي اطلعي من السالفه وقولي لزوجك اللي حصل وان اخوي عزمك على زواج بنته باليوم الفلاني :)

اذا حسيتي ان زوجك ماعجبه ان العزيمه تجي منك مو من صاحب الشأن خلاص لا يروح ولا تناقشينه لانه قراره فيه من الصحه ولكن يمكن ماتكون عنده مشكله ويتقبل منك العزيمه منك . بعض الرجال عندهم بساطه بكل شي

على كل حال الله يسعدكم ويوفقكم ويسهل امركم

لازم تكلمين اخوك وتقولين له كلم زوجي

واذا طول بالحكي قولي يعني ذا قدر زوجي عندك..وبين انه هذي ما تعتبر عزومه لزواج وقولي نمشيها لو انها عشاء خفيف وانت حبيت يكون زوجي موجود وكذا بس عزومه زواج لا ما ينفع..

ولا تحرجين زوجك مع الناس بالاخير لو ما راح بيكون هو الي غلطان

موفقه

زوجك من الاهل صار مو محتاج عزيمة
المفروض يروح من نفسه بدون طلب
واخوك ما قصر عزمه .. كلمك انتي يعني كأنه كلمه
لا تعقدي الامور .. علميه وخليه يحضر لا يصير بينهم زعل وقطاعة
واعذري اخوك ابو العروسة عنده مشاغل الدنيا على راسه