اخوي وطليقته كيف اوصلها الكلام الي قالي

السلام عليكم
اخوي مطلق زوجته صار لهم سنه ونصف والحين بيرجعها
اعرف ان اخوي غلطان بس طليقته شايفه نفسها حتى سلام ماتسلم علينا قابلتها بزواج بشهر 11
وماسلمت رغم ان مجاها مني شي
..
اخوي عنده ولد وبنت ومع امهم يروح لهم كل يوم جمعه ويجيبهم عندنا وفي اليل يرجعهم
.
اخوي كان يتعاطى ويضرب زوجته وشكاك وصارت بينهم محاكم لحد ماتطلقو انا اقول الحق لو على نفسي
.
اخوي تغير 180 درجه والتزم صار له الحين 10 شهور وفي رمضان عاكف بالبيت الحرام والحين حتى الدخان مايحب ريحته انسان ثاني من يقول الله اكبر وهو رايح المسجد وغالب وقته يسمع محاضرات بجواله للمغامسي وبعض المشايخ ولو اني شايفه مافيه خير والله ماسعاله لاكن تغير 180 درجه
.
وامي قالت له قبل فتره فيه وحده بخطبها لك وهو مو ناقصه شي بيت ملك وموظف رد وقال اصبري بشوف ومعطاها رد قبل يومين صدمني قالي كلمي فلانه بنرجع لبعض وإذا رفضت بخطب يقول انه ماقدر ينساها وتفكيره فيها هي وعيالها
قالي اتصلي عليها واتصلت البارح واليوم وماترد علي
.
مدري ايش جايها مني حتى رسائلي بالواتس اب ماتروح لها شكلها حاضرتني
.
طليقته كانت صديقتي وحبيتها وخطبناها لخوي وكنت امدح اخوي لها وصار بينهم نصيب وماكنت ادري ان اخوي ياكل حبوب مخدرات بعدين اكتشفناه
والحين لو قلت لها تغير والتزم تحسب اكذب
وخايفه اروح لهم ويهزئوني وحط نفسي بمواقف انا في غنا عنها