اب

شوفي هذي طريقتي مهلبية قوامها هلامي لاهي جامدة مرة ولا سايلة وطعمها روعة أخذت طريقتها من احدى المنتديات من زمان ومعتمدتها والكل يحبها

4 كاسات ماء
6 ملاعق طعام حليب بودرة
2 فنجال سكر
4 ملاعق طعام ممتلئة نشا

اخلطيهم زين بمضرب الشبك ثم حطيهم على النار وحركيهم بملعقه عادية او خشبيه لاتحركينهم بمضرب الشبك حتى مايتكسر مفعول النشا
إذا بدت تتماسك معك ضيفي النكهة اللي تحبين مقدار ملعقة ونص ( _ماء ورد - ماء زهر - أو ريح الموز)
أنا أضيف ماء زهر وحبات من المستكة

بعد ماتحركينها وتتماسك سكري النار وضيفي علبة قشطة وظرف دريم ويب وحركيهم بمضرب الشبك زين
ثم صبيهم في صحون التقديم وحطي عليهم فستق مجروش أو أي نوع من المكسرات ودخليهم الثلاجة لحين وقت التقديم


وبنفس المقادير أسوي الكاسترد (يعني بدال 4 ملاعق نشا أخليهم 4 ملاعق من مسحوق الكاسترد)

مايبيلها ...افا وحده ماتعرف تسوي مهلبيه ....خخخخخ.....اتمنى البنات يفيدونك ...

هذي المهلبيه اخذتهامن كتاب النخبه تجنن
حطي كاستين مويه وخمسه ملاعق حليب بوده وفنجالين الاسكروحطيهاعالناراذابدأت تغلي
حطي نص كاسه مويه بارده ومذوبه فيهاخمسه ملاعق نشا وبالعافيه

جربي طريقة الدقيق يمكن تعجبك أنا أحيانا أحط حليب سايل الي يباع بالثلاجة مثل كاسين حليب سواء سائل أو (بودرة وماء ) وثلاث ملاعق دقيق وفنجان أو فنجانين سكر وحركيها زين بعدين ارفعيها على النار ؛ بيغلي ويبدا يثقل حطي معها علبة قشطة ولو تبين ملعقتين جبن سائل وحركي ؛بس الصراحة ترى أنا اصلحها حشوة للكنافة بس جربيها يمكن تعجبك