السلام عليكم يابنات حواء العزيزات
بقولكم سالفه اخوي الي صارت قبل اسبوع
والسالفه للي يفتحون روابط فيها ناس يتكلم عليهم الجن بسم الله علينا
المهم هذي اخوي متزوج ودوامه في مدينه رابغ يستلم ثلاث ايام وسته ايام يجي الطايف واهله ساكنين فوق اهلى المهم يوم الاحد الي فات اخويه كان جاي من دوامه ووصل الين الكر يقول وجاتني رساله في الواتس اب وفتحتها وفيها حرمه طلبها الشيخ تقرا سوره الفاتحه وماقدرت يقول اخويه قلت خليني اقراها انا
يقول حاولت اقراها في نفسي ماقدرت حاولت ارفع صوتي ماقدرت وقفت السياره وفي لحظه ماعاد اشوف شى كل شى ظلام دامس يقول غمضت شويه وتعوذت من ابليس جلست نص ساعه في السياره وبعدين حاولت انزل واتوضأ وبالقوه صليت ركعتين
يقول والله انها زي الجبل على ظهري الين خلصتها بعدين اتصل على اخو زوجته ونزله واخذه وقفل السياره وطلع
تقول امي جاني والله ان لونه اصفر ومخطوف لونه ورمى نفسه على صدري وامي ماتدري وش السالفه تقول قريت عليه وسقيته مويه زمزم وهدي شويه وقلت له اطلع سلم على زوجتك تنتظرك تقول طلع وشويه ونزل ويقول ماقدرت اجلس ونزلت زوجته وبنته وبات ذيك الليله في غرفه امي
رحت له انا العصر والله يابنات ان عيونه حولها طوق اسود جلس يومين يقرا سوره البقره هو وزوجته وقبل امس نزل اخذ عمره والحين الحمد لله بخير
بس رجاء لاتنزولون مقاطع زي كذا تخوف واحنا مو مستفدين منها شي والقصه للعظه والعبره واسفه على الاطاله
بنت منيبره @bnt_mnybrh
عضوة فعالة
يلزم عليك تسجيل الدخول أولًا لكتابة تعليق.
والله فتحت الصفحة وانا خائفه احسب مقلب الله يشفي أخوك وحسبي الله علي كل واحد يروع مسلم
الصفحة الأخيرة
ربي يحفظه من كل شر ويخليه لكم ...
من جد انا ماحب اسمعها يكش شعر جلدي ...
تسلمين حبيبتي على التنبيه ...