اخوي و اخت زوجي😫

السلام عليكم ورحمة الله
بدخل بالموضوع على طول
انا اخوي عمره 27 سنه متخرج من كلية القانون
اخوي يابنات انسان غير عن كل اخواني
مايعترف بالثوب الا بالزواجات والعزايم الكبيره
دايم تي شيرتات و سبورت وصراحه انا معجبه في ذوقه وملابسه
والله اخوي هذا نظيف بشكل يهمه مظهره بزياده
لدرجة يابنات غرفته كلها كريمات و اعطار و جزم وانتم بكرامه اشكال وانواع
وكل شهر تنظيف بشره و يعني صدق صدق انا اذكره من وهو صغير يحب النظافه
حتى في الاعياد يعلق على ملابسنا ومكياجنا يعني بالعربي يهمه مظهر البنت مو جمالها
طبعاً بعد ماتزوجت انا قالوا بيدورون له بنت الحلال
واخوي قال لهم (ابيها متعلمه ومهتمه بنفسها الجمال والسناعه ماتهمني )
و امي كانت حاطه عينها على اخت زوجي
وهي كشكلاً مقبوله اما ملابس ماتعرف تلبس وكشخه ماهي جنب الكشخه ابداً
والله يابنات ان الله يستر علينا وعليها ريحة فمها فضيعه.
و قلت لامي ترا اخت زوجي ماتناسب اخوي مره !
و قالت لي لا تقولين لاخوك هالكلام ابداً ماصدقنا انه بيتزوج !
وسكت
وكلمتهم امي و املكو
اخوي اول ماشافها قال ماعليها مقبوله
وبعد اسبوع طلب يطلع معها !!
ويوم رجع للبيت امي سالته هاه كيف ؟
سكت و راح ينام
و بعدها ب 3اسابيع جاء زوجي قال (وش فيه اخوك النفسيه مايكلم اختي ولا يرد على انصالاتها )
قلت وانا ايش دراني واحنا مالنا دخل بمشاكلهم !
وسكت هو وانا خفت يكون هون يتزوجها واتصلت على امي سالتها ؟
قالت هو يقول( لا احد يجيب طاريها عندي و المره الثانيه لما بخطب ماراح اخليكم انتوا تخطبون بخلي وحده من خالاتي تخطب لي )
وهو للحين مايبي يكلمها وانا احس بتانيب ضمير
واحنا اساساً ماندري وش السبب للحين
وش رايكم ؟