بنات انا اخوي اللي اكبر مني بسنتين درس وخلص قبل فترة المشكلة انو مجال عمله
مختلط :eek:ومستحيل اصلا يلاقي شغل من دون اختلاط >>اصلا هذي حال الامارات
مانلاقي اشغال من دون اختلاط الا بعد معاناة وبعض المجالات لا تحلمون ما تلاقون
اختلاط :06:<< المهم اخوي هذا جدا خجول وما يحب يتكلم مع البنات والمسكين ينحط في الشفت مع درزن بنات فلازم يتعامل معاهم فصار يكلمهم باختصار ومن ما يطول معاهم
المشكلة البنات صاروا يقلوا اشفه هذا معقد ولا شو وصاروا الا والا الضرب بالطيب
يريدون يخلونه يختلط مع باقي الستف المكتب فاخوي المسكين صار ينقل شفت العصر
ونفس الحاله البنات مستغربين انو منطوي وما يتكلم مع البنات الا للضرورة القصوى
بس الموضوع ما وقف هنا لا !!! طلعت انو بنت عمنا الكبيرة نقلت قسمم اخوي
وصارت تكلمو بس هو عادو عندو لانها وحدة مرة كبيرة وبمثابه عمه له بس ما
يتجاوز الحدود معاها يعني استفسار عن حاله وجي بس اكيد ها النسرات ما يخلون
البني ادم لحاله لا لازم ازعاجات واشاعات طبعا ها الاشاعات وصلتلي <ما شاء الله
اخوي وسيم فصاروا يقولون شايف نفسه علينا مو عجبتنه وحدة من البنات<<
وخلاص صار يلقبونه بالمغرور ولا مو بس كذا في مواقف اكثر من جي خلو حياة
اخوي ماساة ومن ها المواقف :
1) اخوي لما بنت تكلمه راسه بالارض همه ما يحسبونه مطوع لانه المسكين عليه بيبي
فيس عمره 24 سنه وما عنده لحية فيحسبونه حليق وهو المسكين عمره ما حلق لحيته
بس هاي طبيعة اجسام كل اخواني حتى اكبرنا>>> يلا خلصينا بلا هذرة وايد خخخ
المهم هو اي كلام بينه وبينهم يحاول يختصره فهمة صارو يستغلون ها النقطة فا اي
وحدة منهم تيجي وتقول لخوي طلبت بدل معاي الشفت او عطيني يوم اجازتك او بطلع
كمل عني الدوام فاخوي عشان ما يطول السالفة وياهم يقولهم تم ما طلبتو وهمه
يحسبون انو هذا الشي عشان هو يحبهم ولا شي ما يعرفون انو يريد الفكة منهم لحد ما
صار ايام ما نشوفه بسبت الشيفتات الدبل او الساعات الاضافية او لانه ما صار عنده اجازة
2)هذا الموقف استوى حقه قبل فترة انو هو ما صار يقدر يدخل المصلى لانه يسدون
عليه الطريق ويتجمعون قدام المصلى لانه في كافتيريا مناك والاخ مرة خجلان ما وده يجي جنبهم
3)مرة من المرارير اخوي خلص صلاة وكان يريد يرجع فتح الباب الا وفي بنتين
ماسكين شعور بعض ويضاربون ويتسابون اخوي من زود الصدمة رد صلى صلاته
كاملة من اول جديد وقال كنت شوية بصلي التراويح ونحن مو برمضان
وهذا شوية من حكاويه ومعناة مع الاختلاط هو يقول البنات بالضرورة مو قليلات ادب
بس الناس(والي تقول انو هاذولا مو شيم بنات البلد بقولوكم انو 50% من البنات
مواطنات والباقي عرب و كلهم تقريبا محجبات ولابسات عبي)بس كلهم ماصارت تفرق
بين الصح والغلط ويحسبون اللي يسونه صح يعني عادي واحد منهم يقعد مع زميلته في الشغل في الكافي ليش؟عل اساس الزماله الي حشرو ابونا فيها و الحين المسكين صار يشتغل شفت ليل طول الوقت لانه مافيه بنات وياخذ راحته مع الشباب وما صار يضطر يقعد في كرسيه طول اليوم وناوي يدور على شغل ثاني بس المشكلة مجاله كله مختلط في كل الديرة يعني مستحيل يلاقي اللي يباه ولازم يرضا بشفت الليل بس انتو ادعو حق اخوي لاني اخاف مقاوته وخجل يختفي لانه مع الزمن اكيد بيتعود لانه لو صمد سنتين ما بيصمد عشرين سنه
اتمنى تدعون له يطلع من ها الشغل ويلاقي شغل احسن صح الراتب مرة ممتاز بس شو الفائدة والمسكين متلعوز ها اللعوزة وهو مو متزوج لسه يعني ممكن اي شي يصير او يتغير علينا الولد
كلي حكمة @kly_hkm
عضوة نشيطة
يلزم عليك تسجيل الدخول أولًا لكتابة تعليق.
مدام نفيخـه
•
الله يرزقه بالوظيفه اللي تناسبه
كلي حكمة
•
امين يا رب العالمين وتسلمين يا الغالية عل ها الدعوة وربي يعطيكي عل قد نيتك ويرزقغك من حيث لا تحتسبين
(الرزان)
•
خليه يدعي ان الله يصرفه عنهم كما صرف يوسف عن كيد النسوة
ومن يتق الله يجعل له مخرجا ويرزقه من حيث لايحتسب
ومن يتق الله يجعل له مخرجا ويرزقه من حيث لايحتسب
كلي حكمة
•
اميين يا بنات بس المشكلة في مجالات الشغل كلها عندنا في الامارات والله كل مكان تدخلينه تحسين نفس في اوروبا والبنت قاعدة عندال الريال مو كنه واحد غريب ولا يفطرون ويتغدون ويا بعض يعني المسكين لازم يغير مجال عمله كامل انا صراحة قلتله روح اعتزل في الهملايا مالك حل ومجال ام الاختلاط وين بتروح او خليك بالشفتات بس المشكلة مرض من ها الشفتات وهو ماشاء الله مرة يسوي شغله بضمير فيتعب اكثر
الصفحة الأخيرة