قولي له لايجلس يقول كل شي لكم وهي موجودة. يبها ترضع الولد عندكم ؟ انا ماارضع عند اهلي وشلون اهل زوجي ويسال أمه عن الولد قدامها مره يضايق لانها ام جديدة وتبي تثبت نفسها كذا يحرجها خاصة اذا صغيرة. اذا هو قلق فعلا يسال وهي غير موجودة.
والمفروض ماياخذ راحته معها جدا عندكم ويعكس الموقف ويتخيل انه في بيت اَهلها وهي تصلح معه كذا ايش شعوره واكبر غلط انه دق عليك وقال تقول وتقول. مرة عيب هي قالته لان تصرفه ضايقها ولازم يوقفه مو عشان ينجي ينشر غسيلهم قالت وقلت اذا عرفت بيطيح من عينها

يمكن اخوك قدامكم بوجه وعندها بالبيت وجه ثاني ف هي تربيه بحركاتها ذي ماتدرين وش بينهم الافضل لو ماتدخلتي

تستحي ياحليلها

بالنسبة للولد لا تبدون رايكم وتقولون ليش جذي وليش ما سويتي جذي ترى اغلب الحريم تتضايق حتى لو نيتكم زينة وبعد سنين يالله تبدى تفهم ان قصدكم النصيحة
وممكن زوجها بالبيت يغثها بالولد دامه متعلق فيه لا تسوين جذي وامي قالت جذي احسن ومن هالكلام
هذا بالنسبة للطفل
بالنسبة لعلاقتهم وتصرفاتهم انتي قلبك عليهم واضح من كلامك بس نصيحة لا تعطين اخوج وجه انه يتشكى ويسال خليهم يحلون مشاكلهم بنفسهم في حريم تحب زوجها يدلعها قدام الناس وفيه حريم تحب العكس وتبين انها مظلومة ومسكينة تخاف من الحسد وفيه وفيه فالاسلم انج تتركينهم لان بعد كل هالسنين ما تمر كل شي بينسى الا كلمتج اللي بيظلون يذكرونها وانج قلتي وفعلتي مع ان هو اللي مدخلج

لا تخمنين ولا تحللين وتفكرين وش سبب انها تتضايق ويتغير وجهها

الافضل هو زوجها ياخذها على جنب ويسألها بجديه وش مضايقها وليش زعلانه وتبكي يعني معقوله دموع بلا سبب ؟

انتي ماراح تقدرين تساعدينه ولا تحلين مشاكله علميه يتفاهم معاها ويتكلم معاها ويعرف شخصيتها وتعرف شخصيته عشان يسهل عليهم التفاهم مع بعض لان الطنقره والبكبكه على الطالعه والنازله والنكد يضيق الصدر ويفكك الحياه الزوجيه بسبب التراكمات

واضح ان زوجة اخوك شخصيتها مره حساسه وما تتحمل اي كلمه ولا تتقبل ان احد يوجه لها انتقاد او يحسسها بالتقصير او يعاملها كأنها طفله ماتحمل مسؤليه بسرعه تنجرح وتزعل والله اعلم

اذا اخوك طلب شورك قولي له زوجتك عندك اجلس تكلم معاها واسألها عن اللي في خاطرها وصارحها باللي في خاطرك بكل ود واحترام وذوق وافهم شخصيتها وخلها تفهمك والله يوفقهم ويسهل امورهم