اخوي يتعاطى مخدرات للحين مو مصدقة واكتب بحرقة على حاله وحالنا دمر نفسه ودمرنا ودمر امي وقهرها كانت تبغى تفرح فيه وتنتظر تشوفه عريس قبل لاتموت الله يطوول بعمرها ولا يخلينا منها
بدل مانفرح فيه اخذنا العزا فيه وهو حي
ليش ياخوي ضيعت نفسك وقهرتنا معاك وابكيتنا دم لاننا عائلة محترمة واول واحد يغلط هالغلطة انت
غلطت غلط كبيييييييييييير بس الله قادر يشفيك ويردك لنا
انا اكتب عشان تنتبهون لاخوانكم واولادكم من عيال الحرام وبنات الحرام حسبي الله عليهم
اخوي ضاع ضاع وامي مرضت بسببه وكلنا تعبنا وما توقعنا منه هالشي
الا انا والله قلبي كان قارصني وشكيييت فيه وحتى هنا كتبت عن شكي فيه بس هو حلفلي انه ما يستخدم بس حلف كذااب
اخوي يستخدم الحشيش وسبحان الله ما عرف امره الا امي
كان بيوصلها مشوار وضيع الطريق والمشوار في نفس المدينة وكم مرة يوصل امي لكنه ضيع ومشى مع طريق يودي لمدينة بعيدة عنا وامي تترجاه يرجع وهو رافض وما وقف الا لحظة خلص البنزين وامي تتواصل مع اخواني بجواله لان امي ماعندها جوال ولاتعرف تدق اخواني كل شوي يكمو امي ويهدوها ويحاولو يعرفو هم وين لحد ماربي نجاهم ولقيناهم
واخوي الحين تحت الملاحظة
اخوي اهملناه وعاش طفولة قاسية من ابوي واخواني وبعد ما ابوي مات اخواني تخلو عنه ولا يسالون عنه وهو توظف وراتبه جدا عالي واعتقد انه اساء استخدام المال وعيال الحرام ضيعوه مافكرة باهله وهو مافكر بامي قهرها وعذبها وعذبنا بعد ماكنا ناويين نزوجه صدمنا بتعاطيه وهو شاب عمره 27 سنة حرام يضيع شبابه بالضياااع
انتبهو لاخوانكم ولاولادكم
وبقول لكم بعض التصرفات الي اخووي كان يسويها اخووي اسنانه معدووووووووومه وصفرا واسفلها اسووود ومكسرة ومايحب يجلس مع احد ويكره اخواني ويتعاطف معاي ومع امي وكريم جدا بالمااااال ومزااجي بشكل كبير ويدخن كثير كلنا كنا نفكره دخان وهو دخان بس معاه اشياء ثانية وانا اكثر انسانة يثق فيني ويسولف معاي ممكن لاني قريبة من سنة وكنت كل ماحاولت اعرف وش مضايقه يقول ادعي لي براحة الباال وانا ياغافل لكم الله ما اعرف وش شاغل باله
ادعو لاخوي بالشفااء وراحه الباال ولامي بطوله العمر
عبير نت @aabyr_nt
عضوة نشيطة
يلزم عليك تسجيل الدخول أولًا لكتابة تعليق.
الصفحة الأخيرة
هل يسوي شيئ او يضحك او يهلوس...؟؟؟؟؟