مع كلام الاخوات لازم يتعالج طالما مدمن المسالة بتوصل للقتل لا سمح الله

أشوف من مصلحتكم أنتو كبنات ومن مصلحتو هوا كشخص انو يتعالج بعييييد عنكم ..
والحل زي ماقالت وحدة من الأخوات توصلوا الموضوع للشرطة وتتواصلوا مع مصحة لعلاج الإدمان بسرعة
لو تركتوه بالبيت محا يتعالج وحيزداد الوضع ، ما تعرفي المرة الجاية يجيب أصحابو ويكونوا زيو مدمنين والبيت في بنات >> شي يخوف والله

يااختي هذا اخوكم الحبوب الي تسوي فيه كذا وهوا مدمن ومريض لازم توقفون جنبه ,,
اذا ماوقفتوا انتم اهله مين بيوقف ؟؟؟
في حلقه داود الشريان عن الي قتل العامل في السويدي حط رقم للي عندهم مدمن او مريض نفسي دقوا عليهم وتابعوا حالت اخوكم
لاتتركونه وترمونه ,, مسكين هوا كمان عمره ,,

الله ينتقم من دخل هالبلاوي للبلد حسبنا الله ونعم الوكيل

الله يشفي اخوك شفا لايقادر سقما
رب الناس اذهب الباس اشفه انت الشافي لاشفاء الا شفائك شفاء لا يقادر سقما ..

حبيبتي , فكري فبالك بالاول
مكانه بالبيت غلط صح والا لا ؟؟
لا تقولين كل البنات يقولون طلعوه برا و طلعوه برا بس انا ابي حل .
انا اكلمك من واقع تجربه وحده اعرفها
كان ولدها مدمن و يتعاطى
و وقت اللي يتعاطى فيه يطلع برا البيت مع ربعه عشان لا يحسس ابوه بشي
ولا اخوانه
و لمن درو اهله منعوه منهم .
ولا بلغو عليه قالو ما نبي الناس يدرون
و غطو عليه ف بيتهم و الولد زادت حالته اسوء من قبل
يدمن و هم مغطين عليه عشان محد يدري
اخوانه متزوجين والابو مات مافي احد عنده يوقفه عند حده
والاخوان المتزوجين ما صارو يجون عشان حريمهم وعيالهم
ما قالو هذا اخونا نعالجه .؟ شفتي شلون ,
كل واحد نفسي نفسي ولا قالو ناخف يأذي امنا وخواتنا
راحت الام تقفل على نفسها بالليل هي و بناتها الصغار ثنتين
من صلاة المغرب تدخل بالغرفه هي و بناتها والخدامه ينامون مع بعض
لان حتى الخدامه بذمتها لو صار لها شي ,
وتصلي صلاة العشاء وهي وسط الغرفه ولا تطلع منها الا من بكرا الصبح
يروحون البنات المدرسه وترجع تقفل عليها هي وخدامتها لما الضحى ..
ومحد بيلومها لآن الولد مو بوعيه تخاف يسوي في البنات شي او بالخدامه
او يجيب ربعه معاه ..
والله ما ارتاحو الا لما بلغو عليه و اخذوه المستشفى يعالجونه
حتى اخوانه اللي اقرب الناس له ما فكرو فيه
اهم شي حريمهم و عيالهم ..
و مره كسر يد ابوه قبل لا يموت الابو الله يرحمه ..
فكري بالكلام و شوفي وش يطلع معاك

ابوك الله يعطيه الصحه و طولة العمر ما عاد يقدر عليه مثل ما قلتي
و عند اخوك الحين خلاص راحت هيبه ابوه عنده لآنه مو مثل نشاطه قبل .
و دامه بدا يهلوس نصيحه نصيحه انتبهو و بلغو عنه
بيجون بيأخذونه بسكات ويعالجونه
احسن من يجي يوم الله لا يقوله ويأذي ابوك بسكين
او يأذيكم ..
ما ابي اخوفك بس يعلم الله اني حبيت اقولك قصة المره اللي اعرفها
و مافي افضل حل غير العلاج .
عسى الله يشفيه يارب ويعافيه ويهديه لنفسه
و الله يطول بعمر ابوكم و يخليه لكم ,,
و يكفيكم شر خلقه ,,

اسفه ع الاطاله

ودوه يتعالج الله يشفيه ويصبركم