السلام عليكم ورحمة الله
كيفكم ياحوائيات انا مسويه موضوع حابه اشكركم وخصوصا اشكر كل وحده دخلت موضوعي وردت ودعت لاخوي بالهدايه
وهذا رابط موضوعي:
http://forum.hawaaworld.com/showthread.php?t=2476608
انا فعلا حابه اشكركم من اعماق قلبي لانكم ساعدتوني وفضفضتلكم عن هم كنت حاملته لحالي محد يدري عنه الا جارتي بس ووالله لو ماقلتلها ذيك اللحظه كان منجنه
ابشركم اخوي ولله الحمد نساها تماما ويقعد شهووور مايدخل النت ومسح رقمها وكل الرسايل اللي منها بجواله
الحمدلله حياته دوام بيت يطلع شوي مع اصدقائه واوقات يطلع معاي انا وزوجي
يعني الحمدلله تغير كثير قبل ماكنت اشوفه الا قليل بس قاعد على النت او يكلم بالسياره
اللي خلاني اكتب لكم وانا مرتاحه ومتطمنه وسبحان الله لو زوجي يدري عن موضوع اخوي كان قلت هو متعمد
المهم كنا قاعدين نتقهوى وزوجي معاه جريده يقراء فيها الا قال لخوي الا ماتعرف فلان الفلاني
اسم عايلته مثل عايلتها اخوي طالع لزوجي قال لا على طول بعدين قال كنت اعرف واحد منهم الله يستر عليه تزوج الحين وماعدت اعرف شي عنه
انا والله يابنات جتني مشاعر مختلطه فرحااااانه اني تاكدت انه خلاص نساها وباقتناع وضحكه على الموقف نفسه ههههههههههههه
الحمدلله والشكر لك يارب والله اني قاعده احاول احتوي اخوي بكل شي اقدر عليه مابي يرجع للماضي الاسود
وبنت عمي ماتطيح من لساني احس انه تعلق فيها مره الحمدلله
عمي الله يهديه بس لو يوافق لو على الملكه كان انا ارتاح من هم اخوي
الله يهديه زواجهم بعيد مره مهو بالصيف ذا الصيف اللي بعده تكون خلصت دراستها
ادعوا ان عمي يحن قلبه ويوافق على انهم يملكون الحين عشان اخوي ينشغل فيها مهو بغيرها
حتى هي البنت ودها تملك خايفه ان اخوي يطير منها اويغير رايه هي شاكيه لبنت اخوي اللي تصير بنت خالتها بس وش يقول الواحد غير الشكوى لله
واخيرا اشكركم من كل قلبي :27:
قموووه @kmoooh
عضوة
يلزم عليك تسجيل الدخول أولًا لكتابة تعليق.
عطرH
•
الحمد لله ادعيلة بصلاتك بالثبات
الحمدالله
الله يسخر له عمك وان شاء الله عن قريب تبشرينا بملكة اخوك بس لاتنسي تعزميني ع الزواج
الله يسخر له عمك وان شاء الله عن قريب تبشرينا بملكة اخوك بس لاتنسي تعزميني ع الزواج
الله يسعدك انتي واخوك والله فرررررررررحت لما شفت موضوعك هذا الحمدلله
الله يوفقه ويحنن قلب عمك ويوافق يملك له...
الله يوفقه ويحنن قلب عمك ويوافق يملك له...
سَمِّني
•
الله يثبته
ويهدي الشباب والبنات كلهم
وينسون العلاقات المشبوهة اللي متعتها مؤقتة
وتكون حياتهم السعيدة ؟ بالزواج يارب
ويهدي الشباب والبنات كلهم
وينسون العلاقات المشبوهة اللي متعتها مؤقتة
وتكون حياتهم السعيدة ؟ بالزواج يارب
الصفحة الأخيرة