اخوي يضرب امي ويجرجرها ادخلوا ادعوا معي

السلام عليكم ورحمة الله

يشهد الله يابنات إني أحبكم وأعتبركم خوات وأكثر وكثير اشكيلكم ماأشكيه لأقرب صديقاتي
وأنا هنا متأمله في الله ثم منكم تأمنون على دعوتي وتدعون لنا بظهر الغيب بهالشهر الفضيل ..
القصه باختصار شديد اخوي عمره الآن 37سنة متزوج وعنده 3 أطفال واموره تمام بس وربي مايشكر ولايقدر هالنعمه ومو هنا المشكله المشكله من كان عمره 15 سنه وهو طايح بامي ضرب وخناق وهواش حسبي الله عليه وكل طلباته أوامر تزوج يوم صار عمره تقريباً 30 سنه وقلنا أكيد بيعقل إذا جرب يكون أب وبالعكس زادت لعانته ومازال يضرب امي ويخنقها ويطول صوته عليها معيشنا برعب الله يقذف الرعب بقلبه وامي مسكينة ضغط وسكر وسبق جاها جلطات والشوف يالله بالله تشوف وكل يوم مطلعلنا مشكله وداخل يضربها ويجرجرها ويسحبها والله إن الحجر يبكي رحمة بها
وابوي واخوي الثاني كلن نفسي ماهمهم لأنهم يخافون منه فتمادى الله يلعنه ,,

أنا هنا أبغاكم تدعون عليه لاتقولون ادعيله بالهدايه لا الله ياخذه بعزة ربي وقدرته لنا حوالي 20 سنة بهالعذاب ولاانتم حاسين بكلامي بصدق لين تعيشون معاي .. قبل البارح قعد يفتري علي بكلام سخيف أقسم بالله ماسويته وهلحين أنامعتبرته زي الجزمة وانتم بكرامة ولاشي ومتأكدة راح يكيد لي والله يستر لايصورني بجواله ويرسلها بلوتوث لزملائه أو يوزع رقمي كل شي أتوقعه منه ربي يرد كيده بنحره

اللهم خذه بجبروتك أخذ عزيز مقتدر اللهم لاتمهله أكثر مما أمهلته اللهم لاتمتعه بقوته وأسري المرض بجسده ليشغله بنفسه اللهم عليك به فإنه لايعجزك ياحي ياقيوم الهي قد طال بامي عقوقه فارحم ياربي ضعفها ومرضها وقر عينها بهلاكه وموته ياجبار السموات والأرض ,, اللهم آمين عاجلاُ غير آجل

على الأقل من تدخل تأمن وربي يوفقها صدقوني والله ماكتبت إلا بحسرة أعيشها ربي عليك به ..
وعلى فكرة امي تدعي عليه من قلب ربي يموته قدامها فيارب تمتعها بموته بقدرتك ياقادر
الي بتقول ربي يهديه ياليت لاترد لأن هدايته خلاص ماعاد تهمنا طابت خواطرنا منه وكرهناه وخايفه على امي تموت بسببه فيارب تفرحها بموته ,,