اخوي يقول ..دوري لي وحده حلوه اتزوجها مسيار

السلام عليكم ورحمة الله وبركاته

مالكم في الطويله

اخوي دايم اذا قعدت معه يقول دوري وحده حلوه وبيضاء وطويله اتزوجها مسيار

طبعاً قلت له لا ماراح ادور والله ماراح تلقئ مثل فلانه>>زوجته

قال الزواج راكب راسي اذا مادورتي لي انا بدور ولا بروح أخذ لي اجنبيه

قلت وش لك في التعب والشقى وعطيته امثله من العائله الكريمه

شوف فلان يوم تزوج وش صار له وفلان عياله تششتتو وفلان وفلان ..الخ

عطيته محاضره طويله عريضه بس مانفع وللمعلوميه هو ماله الا سنه وكم شهر متزوج

المهم كل ماجاب طاري العرس قال لاتقولين لزوجتي ابي امشي أموري بهدوووء

عاد قلت بيني وبين نفسي رجال توه متزوج وزوجته مو قاصرها شي يمكن مقصره في حقه

بعد صراع بيني وبين نفسي اني اقول لزوجته ع كلام اخوي يمكن تنتبه لنفسها

وانا دايم كذا مع حريم إخواني اذا شفت إخواني يشكون منهم وكذا اروح أقولهم ترى قال كذا انتبهى ويتعدلون

يس طبعاً اقولهم لاتقولون اني قلت لكم

ويشكروووني لأني انبههم بس طبعاً في أشيعا ماتنقال لهم وعلاقتي فيهم الحمدالله حلوووه


المهم قررت اقولها رحت لها وقعدت عندها وقعدنا نسوولف ومن ضمن السوالف قلت لها يافلانه ترى اخوي

كلمنى في موضوع وابيك تاخذينه بهداوه قلت لها السالفه كلها انصصصدمت ياعمري بغت تبكي

وبعدها ماعاد سكتت وحسيت الجو متوتر استأذنت من عندها ورحت بيتنا

رجعت بيتنا وأول مره اندم ع شي سويته ندمت اني قلت لها لأني قلت يمكن اخوي يبي يتزوج لأني زوجته حامل

وهي حركتها ثقيله صايره الله يسهل عليها قلت في نفسي ليتني صبرت الين تولد وأشوف اذا اخوي مصر ع كلامه اقولها

أنتو قولو لي اللي سويته صح ولا غلط

يعلم الله ان نيتي ان حياتهم ماتشتت ولا ابي اخوي يشقئ نفسه ولاادري وش تطلع اللي بياخذها مسيار

وبصراحه هي قالت وانا طالعه انتي هديه من ربي يعني عادي بس انا مدري وش فيني حسيت بتأنيب ضمير أخاف يتهاوشون علماً قلت لها لاتقولين لأخوي واعرفها مستحيل تقول



تكفون ريحوني صح اللي سويته ولا

رجاءً بدون تجريح


دعواتكم اللي توقيعي