اخوي يكرهني

بسم الله الرحمن الرحيم


شحالكم يابناتات يا حلوات

ابي اغرض عليكم مشكلتي وابي تساعدوني اني احلها


مشكلتي مع اخوي اللي اكبر مني :44:


انا عمري 23 سنه متزوجه وعندي بيبي صغير الله يحفظه


المشكله صارت في ايام خطوبتي قبل سنه ونص تقريبا

بعد الملكه جى زوجي يبي يشوفني وقعدنا انا وياه في المجلس


لما عرف اخوي قوم البيت ولا قعده عصب وكان بيضرني وتهاوش مع امي وابوي :icon33: ليش يقعد معاها بروحه


انا الساني طويل وكان ممكن اني ارد عليه بس بلعتها وسكت هذاك اليوم ماكنت ابي اكبر السالفه والله ضايقني هذاك اليوم مع اني كنت مستانسه

بعدين ريلي كان يتصل يبي يجي وانا اتعذر اخاف يرجع يسوي سالفه

لي العرس ماشفت ريلي الا مرتين فتره الخطوبه او ثلاث ويكون قلبي بيدي اخاف يسوي مشكله مع زوجي (طبعا زوجي ماعرف باللي صار )

وتم مايكلمني قبل العرس بيوم اتصلت له وقلت له خلاص واعتذرت منه وقلت له ابيك تحضر عرسي قالي مب حاضر ليش انزين انا ماسويت شي حق هاي كله ...

الحين عاد اخوي خطب .....


تصدقون انه قعد مع خطيبته ساعه كامله وهو لا مالج ولا شي ... والحين يكلمها وهم بس بينهم خطبه

طبعا الكل قاله اختك واختك وليش سويت معاها جي وتحلل حق نفسك وتحرم على غيرك سكت ماقال شي

عقب خالتي قالت له خذ هديه حق اختك وراضها (انا توني مربيه وقاعده في بيت ابوي ولا جاني ولا بارك لي ويشوف ولدي ومايشله .. عكس ولد اخوي الصغير اللي يشله ويلعبه .. طبعا يحز في خاطري بس كيفه)

قال تخسي وانا لي كرهت كرهت ... (كرهني ليش انا وش سويت )

بعدين قال خلها تروح بيت ريلها هي وولدها وش مقعدها في البيت ( ليش انا قاعده على قلبه ) طبعا ابوي هزءه وانا مادري عن هالكلام

بنات تخيلي انا قبل لا اتزوج عدلت غرفتي وفرشتها كلفتني حول 25 الف وماقعدت فيها الا ثلاث شهور وتزوجت

الحين لما قال بيتزوج قلت خل ياخذ الغرفه باللي فيها ومابي عليه فلوس

لكن عقب الكلام اللي سمعته قلت لهم نزلو الغرفه تحت وماراح اعطيه اياها وماراح احضر عرسه

واذا جات زوجته مابتكون لي اي علاقه معاها بس سلام .. لاتقولون لي مالها ذنب حتى ولدي ماله ذنب ولا انا جذي يتجاهلنا ؟؟:44: