الله يعينكم ويهدي سركم

عشان هما أخوان وربنا ما يضيع المودة بينهم .... أول شي لازم يبطلوا يخلوا أمهم المسكينة في النص ويكبروا دماغهم ويقعدوا مع بعض ويتفاهموا ....

ومعليش يا ستي تعالوا على نفسكم وأستغنوا عن شويييييية من الرفاهية عشان خاطر اخوه لأنه هو كمان يبغى يرتاح من الايجارات ...

فإيش رايك تخلوه ياخد غرفة الشغالة وغرفة الألعاب والمخزن ..... وحدة حتكون غرفة نوم والتانية مجلس والمخزن يعمله مطبخ خاص ليهم ..

وانتي يصير عندك غرفتين وصالة ومطبخ خاص ليكي ... يعني قسمة الحق

وخلي زوجك يفهمه انه حيتنازل عن غرفتين عشانه .... بس في نفس الوقت لايكون الأخ عنيد ويصر على المطبخ وكده يحسوا الاتنين إنه كلامهم مشي ..

طيب نجي لترتيب بيتك .... وحدة غرفة نوم ليكي .... والتانية مني عارفة انتي ايش عاملاها لكن نقول إنها غرفة نوم لإبنك + ألعابه + دواليب للتخزين ... وإذا العابه كتيرة حاولي تصرفي منها اللي تقدري عليه واتصدقي بيها ..

بالنسبة للشغالة .... والله وجودها عامل مشكلة ... مني عارفة ايش ظروفك اللي مخلياكي محتاجة شغالة خاصة والبيت صغير وطفل واحد ... بس على افتراض انه وجودها مهم ..... حاولي تدوري على مكان في الصالة ممكن تقسميه وتخليه غرفة صغييييييرة على قد فرشتها .... وفي ناس بتعمله بالخشب الابلكاش وينضرب بوية ويبان كأنه جدار بحيث وقت ما تفكري تشيليه ما تخربي البيت...

وصلوا عالنبي واستعيذوا بالله من الشيطان والله يهدي النفوس ...

الله يعينكم ويهدي سركم ويسخر اخو زوجك لكم هذا اللي اقدر اقوله

خلهم يتفقو على ان هو واخوه يبنو مع بعض غرفه زايده يعني خل زوجك يشارك ببناء غرفه زايده ليه او مطبخ مافي الا كده عشان العدل

اتمنـــى ردي يكون شافي
شوفـــي حبيبتي الاخوان الاثنين محتاجين
صحيح انتو لكم حق بس اليوم والله كنت اشوف الام بي سي الشيخ الكبيسي يتكلم بهالموضوع
ويشرح هالآية
قال تعالى : ( يا أيها الذين آمنوا إذا قيل لكم تفسحوا في المجالس فافسحوا يفسح الله لكم )

قعد يشرح فيها وقال خلال الشرح الانسان في جميع جوانب حياته في المجالس في الشوارع في البيوت يفسح للآخرين حتى وان كان على حقه لان ذلك هو الافضل ,, فإن كانت نيتك انت وزوجك خالصة لوجه الله وفسحتهم له ,و بإذن الله سيأتي اليوم الذي يضيق الحال فيه ولكن تجدون من يفسح لكم سواء فالدنيا او بالآخره

وهذا كلام جميل اقريــه وخلي زوجك يشوفه وعلى فكرة الآية بعموم اللفظ لا بخصوص السبب يعني ما نزلت بس بالمجالس انما ايضاً بما يتعلق في ذلك كحالتك اختي

يأمر الله المؤمنين مؤدباً لهم وآمراً لهم أن يُحسن بعضهم إلى بعض في المجالس فالجزاء من جنس العمل فليوسّع بعضكم لبعض ، يوسّع الله لكم في الجنة والرزق والصدر والغبر فمن وسّع على عباد الله أبواب الخير والرحمة وسّع الله عليه خيرات الدنيا والآخرة


وأما بالنسبة لفكرة انكم تطلعو من البيت فهذا كان موقف الرسول :

النهي عن إقامة الرجل من مكانه الذي سبق إليه ..

(خ 6270) عن ابن عمر قال : نهى رسول الله أن يُقام الرجل من مجلسه ويجلس فيه آخر ولكن تفسّحوا وتوسّعوا وكان ابن عمر يكره أن يقوم الرجل من مجلسه ثم يُجلس فيه .

(المسند 6370)(م 56549)(خ 911)(ت 2749) عن ابن جريج قال : سمعت نافعاً يقول : كان ابن عمر يقول : قال رسول الله : لا يقيم أحدكم أخاه من مجلسه ثم يخلفه فيه فقلت:في يوم الجمعة؟قال: في يوم الجمعة وغيره .

(م 5652)(المسند 4685)(تر 3096) عن جابر قال : قال رسول الله : لا يُقيمن أحدكم أخاه يوم الجمعة ثم يخالفه إلى مقعده فيقعد فيه ولكن ليقولن تفسّحوا وكان ابن عمر إذا قام الرجل من مجلسه لم يجلس فيه ..شكــراً