اخو زوجي

يا خواتي انا متزوجه والحمدلله مرتاحه مع زوجي بس ابتليت بناس حولي يبون يخربون حياتي حنا حالتنا الماديه ضعيفه وعايشين مع بعض ومساعدين بعضنا انا وزوجي واخو زوجي شغال زن تعال اعرس بزوجك المهر من عندي وكثر الدق يفك اللحام ياخوفي زوجي يوافق اخو زوجي احسه حرمه من حركاته وغيرته اذا طلعنا ولا رحنا مكان يتصل ويهاوش زوجي ليش طلعتها ليش وليش في العطله ربي رزقنا بمبلغ بسيط وسافرنا نغير جو تخيلو قام اخوه يتصل على شخص يطلب زوجي فلوس ويقول شف فلان معه فلوس وراح يتمشى هو واهله وعقب مارجعناء للبيت جانا الرجال اللي يطلب زوجي وقال سمعت ان معك فلوس ولا سددت دين اللي عليك رايح تمشى بها وقال ان اخوك اللي معلمني واخو زوجي يطلع علينا اشاعات وانا متاكده انه هو اذا جاء عنده جمعة رجال قام واتصل على زوجي وقال تعال تعشى اوتغدى معنا وبعدين يروح يقول للرجال اللي بالمجلس اخوي ماعنده حرمتن صاحيه ذابحته بالجوع ماغير يتغدى ويتعشى عندي وهو اساسا اللي متصل وعازمه بس يقول كذا قدام الناس عشان يشوه سمعتي اني مهمله بتقولون وش عرفك انه يقول كذا ولده ولد اخو زوجي اتصل بعمه اللي هو زوجي وقال ياعم ترا ابوي يقول كذا وكذا اذا عزمك لغدا او عشاء لاتجي قبل يعلمنا ولده جانا رجال وتغدى عندنا
هو من اقاربنا وقاال ماشاء الله اهلك يطبخووون!!!! يقول زوجي استغربت مافهمت قصده هذا شي بسيط من اللي يسويه اخو زوجي الله يشغله في نفسه ادعولي ربي يرد كيده بنحره والله ماقدر اقوله شي استحي منه هو رجال بالستين عمره وعيب علي اقوله شي واخوه ساكت مجرد فضفضه