Sohela

Sohela @sohela

عضوة جديدة

اخو زوجي المدمن نكد علي عيشتي

الأسرة والمجتمع

السلام عليكم

بداية موضوعي اتمنى اتمنى مايرد علي الا الحكيمه اللي شورها ينوخذ به وغير كذا مو مجبوره ترد الله يعافيها تكرمنا بسكوتها

مشكلتي ساكنه بشقه في بيت ملك لابو زوجي والشقه اللي جنبي بابها على بابي ساكن فيها اخو زوجي المدمن وزوجته والدور الارضي مأجره ابو زوجي

طبعا زوجته ماتحملت العيشه مع مدمن الله يعينها على ما بلاها وهجت منه وطلبت الطلاق وحصل

>>المشكله اللي منغصه علي عيشتي انه باقي عايش جنبي بالشقه وزوجي طوووول اليوم برا

اقسم بالله ماتتصوروا الرعب والوساوس اللي تجيني بسببه

عيالي اول مايجون من المدارس واسمع صوتهم على الدرج افزززز افتح لهم اخاف عليهم منه

عيالي اللي مابعد درسوا كل صباح يبكون يبون يطلعون فوق السطح يلعبون بالمراجيح والسياكل مقدرررر اطلع معهم وزوجي بالدوام اخااف خصوصا ان اخو زوجي هذا يوم يداوم وعشره لأ
يعني مبلللط بشقته عشان يتعاطى بلاه ويعيش جوه استغفر الله لدرجه مرات افتح باب الشقه لثواني بس عشان اطلع الزباله اكرمكم الله اشم روائح خيااااس من شقته دخان ممزوج بشي معفن طبعا حشيش الله يهديه لنفسه

تصدقون وصل بي الخوف اني اشوفه دااايم بالاحلام مقتحم علي الشقه 😭


الحل يابنات وش اسوي كيف اتخلص منه ومن كابوسه زوجي وكلمته قلت خله يطلع يرجع عند اهله وماسوى شي اتوقع خايف من اهله
واهله عاااارفين بوضعه وعارفين بإدمانه ومخلينه عندي وعادي ..طبعا لو كان وحده من بناتهم عايشه وضعي مارضوا عليها حسبي الله ونعم الوكيل

ولا تقولون نستأجر زوووجي مديون ومايقدررر

عطوني حل لان وصلت لمرحلة ودي اهج لبيت ابوي وارتاح بس مابي افضح اهل زوجي واعلمهم السبب عشان مهما كان هذولا اهل عيالي وسمعتهم من سمعة عيالي
29
9K

يلزم عليك تسجيل الدخول أولًا لكتابة تعليق.

تسجيل دخول

Sohela
Sohela
رفع
فزورة حزورة
فزورة حزورة
ليش زوجك وابو زوجك مايدخلونه مستشفی الامل ليش تاركينه كذا هاذا مبتلی لازم يساعدونه وياقفون معه 
شوري علی زوجك يدخله المستشفی لعل الله يشفيه ويرده رد كريم وقولي لزوجك حرام ان اخوه تدمرت حياته بسبة الادمان وانه ممكن يموت او يذبح احد لاقدر الله 
وانت استودعي نفسك وعيالك الله لاتفتحين  الباب لين زوجك يجي الله يعينك ويستر عليك 
تيشر ساره
تيشر ساره
انا مقدره وحاسه فيك
و المدمن عنيد و عصبي يمكن أهله يخافون منه .
طيب قولي لزوجك عن مشكلتك و اقتراحي عليه يفتحون لك باب خارجي مثل أبواب الطوارئ لحوش أهله عن طريق درج و الباب الرئيسي لشقتك الغيه. و كذا ترتاحين
او العكس باب شقه اخو زوجك هو الي يتقفل و ينفتح له باب خارجي لحوش أهله عشان السطح يكون لك

الله يسهل أمرك و يهدي اخو زوجك يارب
asiatic lily
asiatic lily
الله يجبر بخاطرك صراحه شي ماينسكت عليه ..كلمي امه او اخته
ليش تجامليهم !! قولي لها ياخاله ولدك كذا وكذا وازعجنا بريحته وانا زوجي دوامه طويل واخاف علی نفسي ..
واخاف علی عيالي ..
او
طلعو احد المستأجرين تحت وانزلو ب الدور الي تحت
وخذو الحوش وريحو راسكم منه ومن السطح ..
Sohela
Sohela
فزوره حزوره

اشكرك على الرد بس انا ماطرحت مشكلتي عشان تشورون بالعلاج لان حاولوا معه ولا فاد

انا ابي حل يطلعه من الشقه ابي اعيش مرتاحه انا وش بلاني بمدمنين خلق الله لا حول ولاقوة الا بالله