اخو زوجي بياخذ فلوسنا وزوجي موافق

السلام عليكم


كيفكم يابنات


انا مقهوووره مره بموت من القهر والتفكير ومو عارفه شسوي
اهل زوجي يبنوا لهم فله جديده وزوجي واخوه اللي اصغر منه لهم شقق فوق اهل زوجي ومن زمان وهم يبنوا في البيت هذا بحكم الظروف الماديه


والحين اخو زوجي الثاني مو اللي له شقه جنبنا اللي اصغر منه هو اللي تكفل بموضوع البيت وبدا يشتغل ويكمله يحط راتب ابو زوجي ويوفر بالمصاريف ويحط من راتبه يمكن بحكم انه ابو زوجي مريض وتعبان واخذ جمعيه كبيره لزوجي واخوه اللي بيسكن جنبنا عشان نكمل شققنا بس المبلغ اللي اخذه مايكفي ومن البدايه قلت لزوجي هالكلام بنتوهق ماراح نقدر نكمل الشقه ونسدد القرض ونسدد اجارنا بنفس الوقت واحنا عندنا ديون ثانيه السياره وغيره مضغوووطين مره


وقال لا بيكفي والحين بدا الشغل والمبلغ كله خلص والشقه لسى باقي لها تشطيبات من سيراميك وديكور وصبغ ... إلى آخره
وبدينا نسدد بالقسط والاجار انضغطنا وع اساس باقي لنا من القرض 50 الف بتجي هالشهر وبنكمل تشطيبات وانا ادور سيراميك صار لي شهرين تقريبا من محل لمحل وجمعت مبلغ بسيط لي حق لو سكنا اثث منه واشتري في شقتي كل شي ناقصني لاني بشقتي هذي الصغيره ماعندي ولا شي لا صحون ولا اثاث مثل الناس كل اقول بس اسكن بشتري لي كل شي وببيع ذهبي وباثث الشقه وزوجي كل مره يسدد الاجار انا اساعده بالمبلغ اللي اكون مجمعته وتعبانه فيه


المهم


الليله زوجي قالي انه شقتنا بيوقف الشغل فيها شهرين يمكن او اكثر لانه الخمسين الف اللي بتجينا وصلت عند اخو زوجي ويبي ياخذها ويحطها في بيتهم تحت عشان ام زوجي تسكن فيه طبعا بيتهم جاهز بس باقي اشياء بسيطه جدا انوار وادوات صحيه وسباكه واحنا ينتظر الى مايجمع مبلغ او يعطينا من راتبه كل شهر شوي ونكمل شقتنا


طبعا انا هنا توترت وعصبت ورفضت كيف واحنا باجار وباقي كم شهر وندفع للاجار واحنا كل فلوسنا ندفعها بقرض البيت احنا اولى انه شقتنا تخلص ونسكن باسرع وقت اعل زوجي ماراح يضرهم شي هم ساكنين ببيت حلال صح صغير بس حلال وماحد يطالبهم بشي احنا اللي وضعنا حساس جداً وغير كذا اخوه يقوله لو ماقدرت تدفع اجار عادي تعال اسكن معنا في البيت ووفر فلوس الاجار انا مستحييييل اسكن مع اهل زوجي بنفس البيت قلت له لو اقعد بالشارع بالصحرا ماسكن معهم اعرفهم بيسوني خدامه وانا هادئه ماعرف ادافع عن نفسي وخجوله كثير وماراح ارتاح ابداً
ومره زوجي ماقدر يدفع الاجار واهله قالوا له خلها تسكن عند اهلها لان بيتنا كبير وفعلا نزلني عند اهلي كان لي جناح خاص بس مارتحت واخذ لي شقه والخين اخاف تنعاد نفس المشكله يسكني عند اهله او اهلي


مو عارفه مصيري انا وبناتي حياتي معه غير مستقره مادياً ولا عاطفياً احس اخوه اصغر منه ويمشيه على كيفه واي شي يقوله يقوله حاضر وتم وانا زوجته واخاف ع مصلحته مايسمع كلامي ولا يقولي باموره هذي احيانا اعرف بالصدفه او بين السوالف


ولما شافني عصبت وقلبت الدنيا قالي انا اصلا مارديت عليه بالموافقه انه ياخذ الفلوس بس زوجي واعرفه موافق وعاحبته الفكره ويقول انا تهمني امي ابيها ترتاح هي تعبانه وكبيره ولازم تسكن بيتها وقلت له وانا ما ارتاح احنا وش مصيرنا ولا ادري عنه وش بيسوي الحين وكيف اتصرف انا ابي شقتنا اخلص باسرع وقت وكل فكرت بهالموضوع احس قلبي يعورني وهو مايبيني اكلمه باي شي يخص اهله واخوانه يفكرني اغلط عليهم وماحبهم وانا ماعلي منهم بس هم انانيييين بدرجه كبيره ماتهمهم الا مصلحتهم وزوجي طيب ومغفل
الحين ام زوجي كل تقول لزوحي يلا بسرعه ابني الشقه وارتاح من الاجار ولما فصلت مطبخ ب ثلاثين الف قالت عطني فلوس وانتوا شفتكم متى ما الله رزقكم كملوها اهم شي مطبخي وقالها انا مطلوب الحين للاجار بدفع قريب وتعيد له المهم دبروا لي انا زوجته اخاف عليه من الديون اقول اتحمل بس لا يتسلف من احد واضغط علي نفسي وبناتي عشانه كل شي ناقصني واذا صرفت من عندي او ابوي يعطيني مايقصر
والحين قلت له حسابي مابي احركه وبطاقتي بكسرها قالي ايه انا ابيك تجمعي قلت بجمع بس انت تصرف علي توديني مجمع وتمشيتي وتوديني مطعم وتشتري لي كل اللي ابيه كنت مفكره ابي بسكن بس الحين خلاص مابخلي شي في خاطري
طبعا انا تعب اجمع فلوسي وهي يحتاج واعطيه ومتاكده اني بعطيه للاجار وهو قالي بعطيك 100 بس مصروف وانتي كيفك فيها وطلعه من البيت مافيه


والله يابنات مدري شسوي شوروا علي انا تعبانه وزوجي عنيد ومايحب ولا يفكر الا اهله وانا وبناتي بالطقاق


ساعدوني